و شو حسيتي يميزها عن باجي دول أوربا
جوها كيف في شهر يونيو
عملة السويد هي الكرونا وطبعا اليورو
والسويد من ضمن الشنغن فيزا لو عندج فيزا لأوروبا
هذي كان ردي لأحدى الخوات اللي اسألوا وللأسف العرض انتهى
المشاركة الأصلية كتبت بواسطة ريشة 
حبيبتي أم مايد أنا مارحت السويد بس أخوي زار الدول الإسكندنافية كلها طبعا قبل المقاطعة
يمدح وايد فيها من ناحية الطبيعة والجو وايد حلو بالأخص في الصيف مايل للبرودة
أحلى بلد عجبته كانت النرويج الطبيعة والخلجان
شوي الأسعار غالية بس بما أن احنا ألحين عايشين في أجواء الأسعار المرتفعة ماأظن راح تحسي بفرق كبير
وعلى فكرة أهل البلد طيبين وايد وفي حالهم
تصدقين أنا قبل فترة كنت أفكر أزورها لأن طيران القطرية عندهم عرض وااااااايد حلو لإستوكهولم بس المشكلة كانت إن الجو وااااااااااايد بارد في شهر 1 و2
وبصراحة السبب الأهم هو اني كرهت هالدول كلها من بعد قضية الرسوم
وعموما هذا رابط القطرية والعرض هو صدق انتهى بس شوفي الفنادق اللي هم مقترحينها لو حبيتي تزورينها
https://www.qatarairways.com/global/e…-overview.html
واتمنى الخوات اللي زاروها يخبروج أكثر عنها
وهذا تقرير للأخت غلا روحي فيه معلومات عن السويد
https://www.uaewomen.net/showthread.p…E1%D3%E6%ED%CF
وإن شاء الله البنات اللي زاروها ماراح يقصرون 
لو حبيتي تزوري السويد انصحج تلفي على الدول الإسكندنافية كلها وبالأخص النرويج
هي احلى دولة فيهم كلهم
والسموحة على القصور…..
السويد دولة وااايد حلووة
انا زرتها بس تمينا فيها 7 ايام لان جولتنا كانت تشمل دول اوروبية ثانية بس واايد حلوة و استمتعت فيها وااايد و حلو جوها و مناظرها الطبيعية واايد كشخه و الوان البيوت هم رووعة
و راح اعطيج جم من مدينة اتذكرها و ان شاء الله اتروحين لها
هوفا جاردن واايد حلوة
لابونين
اولاند
و العاصمة ستوكهولم
و هاللي تذكرته لاني من 4 اسنين زرتها و اكيد انها الحين احلى و احلي
دوله واااااايد حلوه ….وفيها امان ……..والجو رهيب الصراحه….خذي معاج جاكيت ….لان اوقات الجو يبرد وايد
العاصمه حلوه وايد …وبتحسينها غير عن عواصم الدول الثانيه ……………سرنا اذكر منطقتين فيها ,,,,بس ما اذكر اسامي المناطق …….بسأل خواتي وبخبرج
سرنا الارياف والغابات والانهر والحدايق ……..ولاول مره في حياتي شفت حلزونات على الشجر………روعه شرات الكرتون هههههههههههههه
نصيحه خذي لج كروز (السفينه) اللي تاخذج من السويد الى فنلندا ………..روعه روعه …مدينه متحركه …محلات ومطاعم وسينما وغيره في السفينه واسعارهم رخيصه بالنسبه للاغراض…يوم واحد وبتوصلون فنلندا
اتمنى ارجع اسافر لها مره ثانيه …لانها صدق تستحق الزياره