اللي عانن من تكيس المبايض وخاز عنهن ارجو انهن يخبرني عن العلاج اللي استخدمنه لاني واظبت اروح عند دكتورة من 4 شهور ولا احس ان هناك تطور يذكر انا استخدمت الدافستون لتنظيم الدوره والجلكوفاج والكلوميد وكل مرة اتقولي البويضات صغيره ولازم تنزلين وزنج لانه ايروح من فقدان الوزن واذابه الدهون اللي تسبب التكيس مع اني مب متينه وزني فالحل .. والله احس عمري متضايقه ودايما ادعي ربي انه يفكني من التكيس خاطري احمل فاللي شفت من هالمرض لا تحرمنا من خبرتها واتقولي كيف عالجت بالضبط ؟هل يفيد المساح والحجامه في هالحاله؟ وكم مده علاجها ؟ في انتظاركم
.واتمنى انكم ما تحرموني من صالح الدعاء واللي تدخل تدعيلي بالذريه الصالحه والسموحه خواتي
أعندي صديقة عمري نفس مشكلتج بس الحمدلله تعالجة وهي حامل الحمدلله في الشهر السابع ، بقولج قصتها ما خلت شي ما جربته نفسج بالضبط وتعالجت تقريباً سنتين ما شي فايدة أخر شي قالت بسير مركز الهاشمي للأعشاب الطبية في البريمي لأنها شافت وحدة في المستشفي ونصحتها فيه المهم راحت وخذت العلاج مدته 25 يوم بالضبط الكورس الواحد المهم قالت حقهم عندي تكيس في المبايض وحجم البويضة صغير وعطوها العلاج وقالولها بعد الكورس الأول سيري سوي سونار وشوفي حجم البويضات والحمدلله حملت في نفس الشهر وعقبالج .
مشكوره حبيبتي على الرد الطيب رفعتي معنوياتي انا بالفعل افكر اتعالج بالاعشاب لان اذا ما فادني ان شاء الله مابيضرن وبتابع علاجي مع الدكتوره بنفس الوقت وبروح المركز اللي ذكرتيه لي بإذن الله
هند 80
تسلمين الغاليه ومثل ماقلتي ماشي احسن من التوكل على الله مهما سوينا كل شي بيده سبحانه وتعالى
والله يريح بالكن دنيا واخره
دعواتكن لي بنات والله يرزقني ويرزق كل منتظره آآمين