شحالكن وشحال البيبياات
بس حابه اخذ مشورتكن ف موضوع وياليت اللي مرت بنفس تجربتي تساعدني
وخاصه الحريم اللي يعرفن سوالف الولاده واللي ايي بعد الولاده هههههه
انا بجريه وادرس ف الجامعه
و ولادتي باذن الله بتصادف نهايه الفصل الياي ،، والله يعلم اذا كانت ع الامتحانات النهائيه
وماعرف هل اوقف هالفصل ولا اكمل دراسه وخاصه انه عندي منحه وماباها توقف لو وقفت الشهور اليايه
اخاف اكمل وما اوقف واتعب واتلعوز وكل شي يروح علي ومعدلي ينزل
واخاف اوقف وتوقف عليه المنحه واندم لان واااايد مستفيده منها
انا بصلي استخاره بس بعد ابا خبرتكم ومعرفتكم اكثر ف هالشي
تنصحووني اكمل ولا اوقف ،، وبقدر بعد الولاده ب اسبوع اكممل عادي ولا ؟؟
ومشكورااات وااااايد حبايبي
والله يسهل علينا اجمعععين 
انا حملت العام ع اول الكورس الاول و وقفت الكورس الثاني لانه كان موعد ولادتيه قبل الامتحانات ..
و الحين موقفه هالكورس بعد لانه ولديه صغير .. و ان شاءالله الكورس اليااي بداوم لانه ماقدر اوقف اكثر من كورسين ورا بعض ولا بنطرد من الجامعه ><
وماعرف هل اوقف هالفصل ولا اكمل دراسه وخاصه انه عندي منحه وماباها توقف لو وقفت الشهور اليايه >> اذا كنتي تدرسين عادي و سهله الدراسه عليج و انتي حامل مايحتاي توقفين لانه بيكون رباج اخر الفصل و بتكونين دارسه المواد و مخلصه من قبل .. اما اذا كنتي تدرسين فاوقات الامتحانات بس انا فراايي مابتقدرين تدرسين و بيبي يديد وخاصه اول ولاده ماترومين لا تتحركين ولا تيلسين و البي بي يبا حد يقابله الوقت كله وماشي نوم كل وقتج رضااعه ><
والله يوفقج ان شاءالله .. احسن شي تستخيرين والله بيقرب الي فيه الخير 
انا كملت ونا حامل عادي
لكن عقب الولادة اقل شي لازم ترتاحين اسبوعين بالذات انتي بجرية
الله يقومج بالسلامة ياااا رب
بس بعد الولاده على الاقل اسبوعين راحه ..
انا داومت وانا حاااامل لين اخر شهر بس ع اخر شهر كنت تعبانه وايد
كنت ارد البيت اذا زاد التعب عليه
بس اذا ربيتي صعب تكملين لانج بجر ومابتعرفين توازنين بين الدراسه والبيبي والرضاعه
يعني بتتلعوزين وبعدين جسمج بيكون تعبان من بعد الولاده ومحتاج لراحه وصحه وتغذيه
من رايي وقفي هالكورس لين ماتربين وتتعودين ع البيبي كملي ع الكورس الياي بيكون البيبي عندج وتعودتي عليه وكبر شوي تخلينه عند امج وعمتج وتروحين وانتي مطمنه ولج بارض للدراسه والامتحانات