انا ناويه انشالله اسير ماليزيا فالصيف…حبيت انكم تفيدوني باحلى الاماكن هناك لاني ما جد زرتها ولا اعرف شو فيها من اماكن حلوه
وبشو تنصحوني حق مكتب السفريات نحجز عند الريس للسفريات ولا شي مكان احسن عنهم لاني صدق مختبصه ومب عارفه شو اسوي
مشكورين وماتقصرون
مع مكتب سفريات نسيت اسمه واااايد زين عدال استوديو جميرا
وانصحج حبيبتي تروحين جزيرة لانكاوي تجننننننننننننننننن
واااايد
وكوالالمبور… وجنتنق… وسن وي لاجوون… وافاموسا<<< هذي اماكن تقدرون اتسيرون لها يوم كامل وقريبه من العاصمه…..وتقدرون تحجزون فيهن…..
فمثلا: العاصمه (كولالمبور) فيها الشاينا تاون واللي يبيعون فيهاا سوالف تقليد في تقليد من جنط ولعب وكل شيء .
منطقه (جنتنق) منطقه العااب فووق الجبال تروحين لها عن طريق التلفريك ..تنفع حق اليهال واايد حلوووه فوق الغيم .. الجو ثلج بارد يعني وايد ..
.
منطقه (بيينق) منطقه حلووه بحريه معظم الشيء وفيها حدائق الفواكهه وحدائق الفراشات . فيها مركز تاري (كومتارا) وفيها مركز ( القرني) ..
وعندج (لنكاوي) منطقه بحريه وفيها حديقه السمك تحت البحار وحديقه الحيوانات. لاتنسين تركبين التلفريك بعد..
وفي مناطق وااايد فيهاااااا ..
احسن جدول كالتالي:
كولالمبور 4 يوم . تزورين فيها المراكز (سوريا )+(بي بي بلازا)+(سوجو) + البنايتين اللي يشبهون بعض (بتروناس) وبعض الحدائق مثل الحيوانات .
(جنتنتج) تنفع للاعلااب فيهاا لكني مانصحج ابداا تباتين هناااك ، لانها تكفي نص يوم لفه. او تقدرين تروحين يوم واحد بس .
بيينق 3 يوم تكفي .
لنكاوي 2 يوم ترا مافيها اشيا وايد .
وفي اماكن مثل افاموسا والمتحف الاسلامي والقطار . ووايد ماتملين منهااا ..
روحي الريس للسفريااات او اتصلي البداله وبيعطونج التفاصيل كامله .. وخبريهم انج تبخين كتلوج عن الدولة هااي..
عسى اني فهمتج .
كفت وفت وشوفي تقارير العضوات ان شاء الله تستفيدين منه