المباعده بين العيال احترت 2024.

مساء الورد للسيدات الحلوات….

بنات انا محتاره الحمدلله عندي نشاط ففالغده واللي عرفته من الدكتوره انه يمنع الحمل..واصلن انا مركبه لولب. ..
اممممممممم بنتي عمرها سنه وكمن شهرر وريلي محتشرر يبا عيال وانا اقوله البنووته بعدها صغيرره، كل يوم والثاني نتضارب عسبت هالموضوع ويطلع برا البيت يوم كامل…
هم ماشاءالله يحبون الاولاد اكثر من البنات واللي زاد ريلي اصرارر انه حرمت اخووه حملت وفيها بنت وهم احتشروا واولهم عموه الله يهديهاا يعني اللي ايي من الله حياه الله…..من يسير عندهم يرد لي محتشر يبا ولد استغفرالله بسس…

وااااايد محتاره ساعدووني بلييييييززز
اباعد بينهم كم سنه تقريبا…وووالله احس تعب اذا يبتهم ورا بعض مابفضى لنفسي …

ما دري اختي اشوف الموضوع على حسب صحه الوحده وظروفها

يعني في حريم ترروم اتيب ورا بعض اتكون ما شاء الله صحهتا زينه وغير موظفه وعندها حد يساعدها

اما عمر بنتج اشوف عادي لو حملتي

واتني ادرى بوضعج

أختي , من أهم فوائد وأسباب الزواج تكثير النسل . لا تزعلي مني أختي , ولكن عمر بنتج الله يحفظها مناسب أنج تحملي الحين . لا تخلي سالفة العيال سبب مشاكل بينج وبين ريلج ولا تعطيه سبب أنه يروح يتزوج وحدة ثانية علشان العيال . أختي زيادة نشاط الغدة ما يمنع الحمل , عموماً مثل ما قالت الأخت , أنت أدرى بظروفج منا , ربي يوفقج .

احملي الاطفال النعمه

الله يسر لج حبيبتي انا من راي اذا انتي يالسة في البيت مب موظفة ييبي البيبي الثاني و إن شاء الله يكون ولد و عقب ارتاحي سنتين أو 3 و لا تزعلين ريلج بهالموضوع

ان شاءالله مشكورات ع الردوود…بصراحه انا متعقده من اخر ولاده ببنتي ياني نزيف وكرهت شي اسمه مستشفئ….

ربيت بيت بس ماعندي خدامه ماداني الخدامات ..ولني ساكنه بيت اهل ريلي و ماشاءالله البيت متروس شباب وبنات وحريم عيالهم..

بصراحه عن نفسي ما احب اسوي فرق بين عيالي وايد عندي اربعه من يكمل الطفل سنه ونص احمل ما عدا هالمره ركبت لولب خلاص 4 وبربيهم ويصير خير لجدام وانصحج لا تسوين فرق كبير مب حلوو بتتعبين انتي فتربيتهم يبيهم وفكي عمرج