الله يسهل على الحوامل ويرزق المحروم
حبايبي انا كتبت لكم هذا الموضوع
ﻻنني شفته بعيني ومن قريبتي اللي هي حرمت أخوي
الله يسلمكم حرمت اخوي ربت وهذا المولود الثالث لها
وخبرني اخوي أنها ربت بس البيبي تعبان وراح يدخلونه الحضانه
والله راد انه يتوفى البيبي بعد 12 ساعة والله يعوض عليها
المهم بعد ما طلعت حرمت اخوي من غرفة الولادة
رحت لها أودي لها أغراضها اخوي موصني عليها
شفت وايد مبالغين بالتعديل والتزيين والبالونات وتوزيع البيبي
غير طلبية اﻻكل والمفارش كأنها حفلة والبيبي وقتها تعبان
والله راد يأخذ أمانته
انت شو رايكم بهذا الشي المبالغ فيه ؟؟؟؟؟؟؟؟؟؟؟؟؟
واللي راح خسر بدون فايدة
الحرمة يوم تربي تفكر بالتسهيل وصحة البيبي
والي تطلب صاالون لين المستشفى وتسوي شعرهاا وميك اب الولاده ههههههه
الي يقولون هذي ضيافه للناس اووكي سويها فالبيت يوم تطلعين انتي والبيبي بالسلامه
موضوعج حلو
انا طبعا وافدة وما اسوي شي من هالتوزيعات والطلبيات وغيرها لانها فوق طاقتنا
والوحدة يوم تربي وتكون في المستشفى حالها ما يعلم بي الا الله من الالم والتعب والهلاك
اي حفلة اي توزيعات اي بالونات
انا يوم اربي ما اروم امشي من التعب والهلاك واريد ارجع لبيتي ولاولادي
انا اشوف لو الوحدة تتبرع بهالفلوس للمحتاجين دفعة بلاء وشكر لله على سلمتها هي والبيبي افضل وأجر
شو رأيكم ؟؟؟
صدق شي مؤلم ، مالها داعي المبالغات، المهم سلامة الام والبيبي ، ابتلى المجتمع بها المظاهر نسال الله العافيه ..
ويمكن عشان جذيه الأم والأبو يبغون يحتفلون بهالمناسبة السعيدة
وكل حد يحتفل على قد امكانياته
أنا بس شي واحد مب مقتنعه فيه وهو التوزيعات !!
هالشي الوحيد اللي أحس انه خسارة بيزات لأنه أولا نحنا مب أجانب
(الأجانب يقدرون التوزيعات ويحتفظون بها مدى الحياة كنوع من الذكرى)
ثانيا : اللي تعطينهم التوزيعات ما يقدرون التعب اللي انتي تعبتيه في الاختيار
ياكلون حبة الحلاوة اللي فيه (هذا اذا أصلا كلوها) ويعقون الباجي في أقرب زبالة !
الله يعوّض على أخوج ومرته ويفرحهم بقدوم بيبي جديد ان شا الله 
المشاركة الأصلية كتبت بواسطة ^الدماني^ 
ويمكن عشان جذيه الأم والأبو يبغون يحتفلون بهالمناسبة السعيدة
وكل حد يحتفل على قد امكانياته
أنا بس شي واحد مب مقتنعه فيه وهو التوزيعات !!
هالشي الوحيد اللي أحس انه خسارة بيزات لأنه أولا نحنا مب أجانب
(الأجانب يقدرون التوزيعات ويحتفظون بها مدى الحياة كنوع من الذكرى)
ثانيا : اللي تعطينهم التوزيعات ما يقدرون التعب اللي انتي تعبتيه في الاختيار
ياكلون حبة الحلاوة اللي فيه (هذا اذا أصلا كلوها) ويعقون الباجي في أقرب زبالة !
الله يعوّض على أخوج ومرته ويفرحهم بقدوم بيبي جديد ان شا الله
صح كلامج والله هههههههه
احيد انا سويت توزيعات حق ولاده اختي والبكس الواحد كان ب10 وتخيلي انا طالبه 70 حبه
فيه لعبه صغيره وحبه كاكاوو وانا من عندي حطيت 5 دراهم نوط
وشفت اليهال كيف طايرين بالنوط والباقي مفروور جدام البيت هههههه
ومن وقتها قلت ماابسوي خلاص