المراهقة صعبة 2024.

بنات بليز اريد ارائكم اذا صديقتي عنده مشكلة هي ان ابتها في كلية تتكلم في فيس بوك مع واحد والحين تتكلم معاه بتليفون وهو جافها بس البنت على نياتها حت ماتعرف شو اسمه عنوانها بس هاي ثاني مرة تغلط وتتكلم في نت اول مرة لما كانت في ثانوية تتكلم مع ولد خاتها في نت
فالام حاولت ان تيلس معاها وكلمتها ان هذا حرام وتمت يالس معاها في اول غلطة وبعدين فاجئت مرة ثانية مشكلة فيس بوك وتليفون والحين هي منعت عنها تليفون والنت لكنها هي بنت الكلية اكيد بتتكلم من ورائها فشو الحل ؟ مع انها هي مو عنيدة ولا عصبية وبنفس الوقت اتخاف من امها بس ما دري شو الي يخليها انها تغلط او تكرر غلط بليز ردوا

هلا أختي . .

خل أمها تقعد معها قعدة ودية و تحطيها فحضنها . .
و اتقول لها بحنان ، بنتي أنا أعرف ف كل أللي تسوينه ، بنتي ليش تسوين فيني جي والله أنا أحبج و ما ارضى أني أجوفج اتسوين الشيء الغلط .

و خلي أمها اتقول لها " أنا بحطي مكاني ف مكانج ، صح أنا أحب فلان و ارتاح له ، تعتقدين أنه راح ايي يخطب أو يحب وحده تكلمه عالفيس بوك ؟ مستحيل ما راح يثق فيج يا بنتي لأن مثل ما قلبج حبه أكيد بيي واحد ثاني وبيقول لج كم كلمة حلوة و بياخذ قلبج و و و و

– و خل تحسسها بالذنب و تطالعها بنظرات حزينه كل ما اتسير الكلية . . .
و خل تبتعد عن العصبيييييييييييية لأن هالشيء راح يزيدها عناااد . . .

– خل أمها كل يوم تعطيها هدية أو وردة أو لما بنتها ترقد تسير لها و تنام صوبها وتحضنها وتبوسها و تحسسها بالحب . .

لا تمنعونها الفون " خل أمها تعطيها الفون و اتقول لها أنا بعطيج الفون لأني واثقة فيج و مستحيل انج تسوين شيء ينزل راسي . . و طبعاً من وراها لازم تراقبها بدووون ما تحس . .

أهم شيء حسسوها أن هم واثقين فيها و تحبونها

تغلط و تكرر لأن امها مب صديقة لها عسب تخبرها كل شي.. يعني فهالعمر لازم الام تكون لها صديقة حتى الينت تكلم امها عن كل صغيرة و كبيرة … لو البنت تخاف من امها وايد و الام ما تعطي مجال للبنت اكيييييييييييييد بتسوي شغلات وايد من وراها بعد لازم هالام تخوفها من عقاب ربنا اكثر … الحل فيد امها و ربنا يهدي الجميع

تربية الأولاد يبالها طولة بال وصداقة بين البنت والأم عليك مصادقتها ليس عدائها العداء يسبب العناد عند الأولاد

ترجع الأم تتحدث مع البنت وتجرب تأخذها لمكان خارج البيت يجلسوا بكافي كأصدقاء وتحدثها بود ومحبة وتعطيها

الثقة مرة أخري وتخبرها لن أمنع عنك التليفون ولا النت لنني وثقة فيك وثاني شيء لو أنا غافلة الله موا غافل

سبحانة وتعالي وتخبرها أنا لا أريد تخافي من أم أو أب أو ناس خافي من رب يخطف الروح بآي وقت ولنا حساب

ونصيحة أقولها في أذن الأم تعاملي مع هذة الأمور بهدوء شديد وبدون عصبية هذة أطوال وتأخذا وقتها وتروح

بس التشدد يجيب عكسي 000 بس أهم شيء لا تغفلي عن الدعاء لها بكل صلاة ما في أعظم من دعاء الأم لعيالها

الله يهديها ان شاء الله و يصلح حالها

مشكور ة المشكلة انها اخته صغير تتكلم مع امها اكثر من اخت كبيرة صح كلامج ان هي تنفعل ابسرعة فبل لما غلطت اول مرة اتكلمت معاها ونصحته يعني اسلوب ضرب ما استخدمت بعد هي لتحاول تنصحها بطرق ثانية ….