المسافرات للبحرين وتايلند تفضلن بالدخول 2024.

شحاكم ياصبايا
اليوم جبت لكم موضوع عن فندق بانيان تري Banyan Tree

أول شي في البحرين
بما اني شفت الكل أعجب بموضوع المنتجعات اخترت لكم اليوم منتجع
Banyan Tree Al Areen
المنتجع شبيه بالمنتجع اللي تكلمت عنه في موضوع عمان
يتكون من فلل وكل فيلا لها حوض السباحة الخاص فيها
يمكن في بعض الخوات تكلموا عنه من قبل
الفلل تبتدي اسعارها من 3000 فما فوق
لكن أيام الإفتتاح كان
سعر الفيلا 970 دينار بحريني
طبعا السعر غالي ليوم واحد بس
لكن هالأيام مسويين عروض وخصومات بالأخص لما تحجزون أون لاين
سعر الفيلا من 300 إلى 500 دينار بحريني
شوي معقول للي حاب يروح مكان مميز ومختلف
الفندق يقع في منطقة العرين
وكل التفاصيل موجودة في الموقع

https://www.banyantree.com/en/alareen/index.html

الموضوع الثاني هو ان انتشرت هذي الصورة في الإيميلات والتعليق عليها أنه أعلى مطعم في اليابان

الواقع ان هالمعلومة خطأ والمطعم مش في اليابان المطعم في تايلند وأسمه
Sirocco
وموجود في The Dome at the State Tower
المطعم متخصص في الأكلات الشرق أوسطية
والواقع انه في مطاعم وايد ثانية شبيه فيه موجودة في تايلند وأحسن منه من ناحية المستوى
مثل مطعم Vertigo
في فندق بانيان تري Banyan Tree Bangkok
المطعم يقع في الطابق ال 62 ويطل على مدينة بانكوك المنظر رااااااااائع
هذي صورة للمطعم

المطعم متخصص في المشاوي مثل الستيكات وغيره
والأسعار غالية بالنسبة لبانكوك بس تجربة حلوة وإطلالة رائعة بالأخص للرومانسيات

هذي صورة للمنظر من فوق وممكن تشوفوا فندق الماريوت على اليمين

بس ملاحظة مهمة إن المطعم مافيه مظلات فلما ينزل المطر ……….
بينزلوكم المطعم الثاني اللي تحت

بالنسبة للمقبلات ماعجبتي وايد بصراحة
توقعوا الصحون الكبييييييييييييييرة اللي فيها قطعة صغيييرة خخخخخخخخ
بس الطبق الرئيسي ممتااااااااااااز وكمية الأكل مشبعة جدا
هذي صورة أخذتها لما كانت السما تبرق وسوري مش واضحة
لأنها من كاميرا الفيديو

بس بشكل عام المكان جدا رومانسي والجو حلو والمناظر أحلى

وشكرا على المتابعة

المشاركة الأصلية كتبت بواسطة قمره

حلووووووو
انا مقرره اروح مطعم بونيان تري هالاسبوع
بجيب لكم تقرير عنه
و تسلم يدج عالتقرير ريشه
انتي واااااااااااااااااااااايد ذووووق

تسلمين لي فديتج
بانتظار الصور وخبرينا عن الأكل أهم شي
سعيدة جدا بمرورج الغالية

المشاركة الأصلية كتبت بواسطة عيو دبي ون

وبعد شي البنيان تري في بوكييييييييييييييييييييييييييييييت واااايد حلووووو المنتجع Banyan Tree

أما اللي في بانكوووووووووووك ما انصح حد يسيرله لانه مب شرح اللوبي صغييييييييييييييير .. و السويتات بعد صغيره .. لان سرتله و ماعيبني ..

صح كلامج الغالية اللي في بوكيت ينصح فيه للعرسان أحلى بوايد لأنه أصلا منتجع مش فندق

وفي للفندق فروع كثير لو دخلتوا على الموقع راح تشوفوا Our resorts
فيه قائمة بكل الفروع حول العالم وبالصور
مشكورة اختي على المرور