السَلام عليكُم ،
شَ الحَال ! . . .
مسَافرين ان شاء الله انا و ريلي ل المانيَا ، ف اخر اغسطس
عندي كمّن استفسَار واتمنى انْه حد يفيدنيَ . بليزَ $؛
اولَا ، امم بخصُوص الفنادق حجزنا
خلاص اون لاين وتم الترتيِب . .
اول مَكان ان شاء الله
munich -5 schiller فندق
ثاني مكان ان شاء الله
zell am see
badhaus
ثالث مكان والاخير
vienna
best westeren
*الحِين المشكله * انيّ ابا اعرفَ أسامي و أماكن
" مطاعم حلال او عربيّه ، كُوفيات ، آسواق سُوبر ماركت ،
دكاكين ، صالُونات ، او حلاقَ ! او لاندري و كل مكَان ممكِن انّي احتاجه "
بلييييييزَ اي حَد عنده خبره يدلِني ! 
احتاي اني اعرفَ عن الضرُوريّات اكثر عن المناطٍق السياحيّه
او آي معلُومات عن هالفنادقَ . . .
وبعدهَا عن المناطِق السياحيّه ، $؛
اي معلُومه قد تفيدني لآني اول مرّه اسير
واحتاي اعرف الكثيِر 
لا تبخلُن (=
* ويزاكٍم الله كِل خير *
هِلـــــــــــب ! (؛
زيلامسي فيها مطعم علي بابا جريب فندق جراند ومطعم انطونيو
فى زلامسى شى مطعم هندى اسمة انطونيو بتزيرايا (ويبالج تنتبيهن>> لنه فى بنفس المنطقة مطعم انطونيو بتزيريا ) لكن الثانى لناس اتراك (عائلة).. وكاتبين المنيو بالعربى (وطبعا هذا يل يعطونه للسياح العرب فقط ومعدل حسب الطلب يعنى بشكل يناسب العرب او المسلمين) لكن اذا قريتى المنيو الانجليزى بتحصلين لحم خنزير وطبعا الخمر .. وبالاضافة ان كان كلبهم المصون يقوم بجولات ميدانية داخل المطبخ وهم مره يطنشونه ومره يحاولون يروغونه!!
وأغلبهم على هالمنوال.. تحسين بانهم يخادعون بس عسب يمشون تجارتهم .. انصحج بمطعم على بابا فى زلامسى
وفى فينا اغلب المطاعم المذكورة بالمواقع السياحيه النمساوية (المخصصة للعرب) غير حلال اللهم بس يدعون انه مورد اللحوم مالهم تركى (اونه يعنى حلال) .. ولا بعضهم زايد على الخمر ولحم الخنزير جلسات وناسة وطرب .. (رقاصة) مما يجعله اشبة بالكبارية ويكتبون عليه حلال!!
بالنسبة لفينا ..سيروا شارع Meidlingerger HauspTstrase هنالك منطقة تمشى وسوق ( قريب من قصر الشونبورن) .. يكثر فيه المهاجرين الاتراك والافارقه .. وبتحصلين لج كذا مطعم محطين علامة حلال ولا حتى يبعيون فيه الخمر وبعضهم محطيى شهاده الذبح الحلال (طبعا مؤرخة من سنة الف تسعميه وحطبه …
.. لكن ماشى الحال)
وبعد بتحصلين لج سوبرماركت تركى بعد فيه لحومات حلال اذا كنتوا ماخذين لكم شقة بمطبخ ممكن تطبخين براحتكم حلال x حلال
بشكل عام اذا كنتى من النوع يل يحرص على الاكل الحلال ف الاغلب يقضيها بيتزا وباستا لكن المشكلة انه الجسم يفقتد البروتينات فتضطرين تاخذين من عندهم حتى لو انه مشكوك بمصداقيتهم!
ان شاء الله تستانسون بالسفر
تحياتى
مشكُورات خواتي عالردُود ماقصرتن والله
الحين ان شاء الله ثبتت عا علي بابا و سمعت عن بسمتي
لكن انطُونيو الكل مدحه
بس اختي مافهمتج شُو تطرين بهالكلام
فى زلامسى شى مطعم هندى اسمة انطونيو بتزيرايا (ويبالج تنتبيهن>> لنه فى بنفس المنطقة مطعم انطونيو بتزيريا ) لكن الثانى لناس اتراك (عائلة).. وكاتبين المنيو بالعربى (وطبعا هذا يل يعطونه للسياح العرب فقط ومعدل حسب الطلب يعنى بشكل يناسب العرب او المسلمين) لكن اذا قريتى المنيو الانجليزى بتحصلين لحم خنزير وطبعا الخمر .. وبالاضافة ان كان كلبهم المصون يقوم بجولات ميدانية داخل المطبخ وهم مره يطنشونه ومره يحاولون يروغونه!!
وأغلبهم على هالمنوال.. تحسين بانهم يخادعون بس عسب يمشون تجارتهم .. انصحج بمطعم على بابا فى زلامسى
كيف اعرف الفرق بين انطُونيو ومطعم العايله التركيّه ،
وانتي تمدحين اي واحد واي واحد اتذمينه مافهمت خربطتيني !
الحين هُم لهم الاسم نفسه ؟
بخصُوص الدكانين ، هيه ان شاء الله الاشيا
اللي باخذها بتكُون مثل ماي وعصاير وهالسوالف ، مب شي ثاني
ولني حاجزه ف فندق مب ف شقه . . الحمدلله
مشكُوره حبيبتي ماقصرتي ابد ، واتمنى تردين عا الاستفسار بخصُوص انطُونيو (:
امم ، عندي استفسار بعد بخصُوص المبلغ
لي بشلَه !
مده السفر ان شاء الله بتكُون ل ثمان ايام . .
الاول ف ميُونخ وخلافها مابين زلامسي ، وفيينَا
الحين بالنسبه ل شخصيَن ان شاء الله ،
كم بتكُون الميزانيّه تقريبا ! للرحلات والتنقل والاكل ! ؛ تقريبا #!
و مع العلم اني حجزتَ اربع ليَال من اصل ثمان
ان العشَا بيكُون ف الفندق ، و الريُوق ف الفندق طُول المده !
و هالشيّ ! مافهمته
بطاقة المترو أو فييناكارد
الحين الفيينا كَارد بس للمترُو ولا كيف !
وكم تقريبا احط فيها م المبلغ ! . . .
و يفضل اني استخدم الفيزا ! و لا كاشَ . . !