هلا بخواتي الغاليات
حبيت أطرح موضوع للنقاش
ما هي المهام التي لاااااااااااااا يتعين على المعلمة أن تقوم بها .. ولكن للأسف هي مجبرة حالياً على القيام بها؟؟؟
يعني ما فيه شي اسمه ""المعلمة السوبر""…… المعلمة لها طاقة معينة ومهام معينة المفروض تقوم بها … والمفروض ان الأعباء الوظيفية اللي عليها تكون أقل بواااااااااااااااايد!
أتمنى انج تشاركينا برايج..
والسؤال مرة ثانية:
ما هي المهام التي لاااااااااااااا يتعين على المعلمة أن تقوم بها .. ولكن للأسف هي مجبرة حالياً على القيام بها؟؟؟
من وجهة نظري المتواضعة أنه لا يتعين على المعلمة أن تناوب على الفصول أو الحافلات إطلاااااااااااقاً
بالإضافة إلى وجوب عدم قيامها بمهام مربية الفصل… كـــــل المهام الأخرى غــــــــير التدريس المفروض يتم تعيين مشرفات متخصصات لهذه الأعمال فقط .. لتخفيف الأعباء على المعلمات …
أتمنى التفاعل مع موضـــــــــــــــــــــــــــــــــوعي ولكن مني فــــــــــــــائق الاحترام والتقديــــــــر
بس المناوبه تهوون..جدا البياااعه في المقصف…اسميني مقهوووووره من هالشي…عنبو نحن تربويات..يشغلونا في المقصف..نبيع ….جد سالفه موول مب حلوه…يعني احس المعلم المفروض له احترامه …شغلتنا ندرس و نهتم في تربيه هالاجيال..مب اوقف في الساحه ..ولا ابيع ف المقصف ولا اوقف عند الباصات والسيايير…جد ماحس انها شغله تعنينا ك مدرسين ومدرسات…
طبعا في ناس تجوف ان البياعه شي عادي..اون يعني نبين للطلاب تواضع المدرس وان مب عيب ومن هالكلام…بس بصراحه موووووووووووول مب عايبتني السالفه..
و السموووووووووووووحه
اما المقصف فمش دووم نناوب فيه فاليوم اللي يكون فيه دوري استغله اني اعلم البنات جمله او شي بالانجليزي… يعني ما تشتري البنت لين تقول لي اللي تباه بالانجليزي لووول…
بس الاشغال الثانيه مثل اننا نيلس نزهب معارض و نسوي ملفات مالها داعي و نتابع مع اولياء الامور بشكل يومي مع انها شغله الاختصاصيه او المشرفه مش المعلمة… بس يوم نقول لهم يتصلون يقومون يعطونا الرقم و نحن نتصل…. هاي مب حاله….
شو بعد؟؟
هيه سالفة الدرجات و السجل السنوي … سمعت انها شغله الادارة مش المعلمة انها تسوي السجل السنوي و تطابق الاسماء و الغياب و غيرة…. لكن نحن نسويه و تطلع روحنا لين يخلص …
حتى استلام الكتب في نهايه الفصل او تسليم الكتب في بداية الفصل علينا …. ما ادري الاداره شو شغلها عيل ….
لا و اذا بغينا تبديل في الحصص قالولنا روحوا بدلوا مع المعلمات روحكم … و يلسي راكضي دوري المعلمة اللي ممكن يناسبها انج تبدلين الحصص معاها….
بس في النهايه انا احب مدرستي حتى بالضغوط اللي فيها … احس كان هالضغوط مسويه جو لوووووووول