الم الولاده 2024.

السلام عليكم
بنات ما عندي خبره واختي ماشاء الله حامل واهلي مسافرين عشان ابوي مريض والله العالم متى بيرجعون وخايفه اتوهق .

بساألكم الم الولاده يوم ايي يكون فجأه او قبلها بكم يوم ومتى اوديها عشان يعرفون كم فاتح وها السوالف من تدخلل التاسع والا كيف واذ يتها الالاام متى لازم اوديها المستشفى ولازم اخذ حد ولا عادي تكون بروحا خاصه انا إذ رحت ما بفيدها بشي.
انا مروعوبه كأني انا اللي بولد يا ربي شو اسوي .

حبيبتي الم الولاده إذا استمر يعني خمس دقايقً ويرجع الألم يعني الألم مايفارقاً إلا خمس دقائق أو عشر وعسى الله يسهل عليها وإذا الويعً ياها خليها بس تدعي وتطلب ربها وتقرا الأدعية لتسهيل الولاده وتقرا سورة الزلزلة وتستغفرً وما عليها إلا الخير والدعوة مستجابهً وقت الولاده وخليها تندعيً لابوج وعسى الله يعافي إخوانا المسلمين ويسهل على كل حامل

استغفر الله وأتوب اليه

السلام عليكم اختي اول شي الله يشفي الوالد ويقومه لكم بالسلامه ثاني شي اختك اكيد رح تكون متابعه ويا دكتوره يعني ان شاء الله ما بتوهقج انتي خلي اغراضها زاهبه و خليها تتمشى وتقرى سورة مريم وتاكل رطب واهم شي انك لا توترينها او تحسسينها بخوفج والام الطلق تختلف من وحده للثانيه ولو كانت بكريه من اول الم تودينها وهي بتحتاجك نفسيا بكل ثانيه خلك وياها لا تخليها بروحها وبتساعدينها بوايد اشياء والله يسهل عليها وتولد بالسلامه ويخليكم حق بعض

خفوق القلب تسلمين ع المعلومه ,,,,,, انا عن نفسي ما اعرف الم الولاده كيف ههههههه , انا حامل ب اول طفل ادعولي الله يسهل علي ويقومني ب سلامه

مشكورات خواتي خفوق القلب وأم مها
دكتورتها اللي تراجع عندها طلعت أجازه شفتو حظي
بس خواتي انا مب قصدي أخوفها بس مبين علي اني خايفه اكثر منها وهي حاسه بها الشي
كلمت أمي من شوي تقولي ما اقدر اخلي أبوج وارجع أخاف يصير فيه شي ومحد عنده
وانا أهني الله يعلم بحالتي

الله يعافي أبوج و يردلكم ويا الوالدة
بالسلامة ان شاء الله
و يسهل على أختج الحمل و الولادة يارب

عسى الله يسهل عليج وتقومينً بالسلامهً ويرزقجً الذريهً الصالحه السليمهً يارب العالمين

استغفر الله وأتوب اليه