النسيان ،،،،، هل من علاج؟ 2024.

السلام عليكم

انا عندي مشكلة احس صدق انها كبيرة

مشكلة النسيان انسى بشكل مو طبيعي بشكل ملحوظ جدا و كل حد ملاحظ علي
و والدتي تقول سيري تعالجي مب طبيعي اللي يستوي فيج

انا حسيت زادت مشكلتي بعد الزواج

بنات تعرفون دكتور متخصص ف ها المجال ممكن يساعدني
لاني احس اني صغيرة ف العمر و جي يستوي فيني
احس مرات وصلت للتخريف
و مرات ويهي يستوي جي من التخريف غير اني اتفشل من نفسي يدام اي شخص
و اقول انا صغيرة بعدني لو وصلت ال 30 و ترست البيت عيال
بييني زهايمر بعيد الشر

ما تشوفي شر يارب

ماتشوفين شر وان شاء الله خير

وايد مستووين ينسوون.. وخاصه اللي يربون أو يسوون عمليه ويسوولهم تخدير كامل.. التخدير اذا كان بنسبه أكثر من الحد المفروظ ف يكون سبب من أسباب النسيان.. وهالشي وايد ملاحظتنه على اللي مر عليهم واتخدرو تخدير كامل

أتوقع يمكن شي حبوب اتقوي الذاكره.. يمكن عباره عن فيتامينات.. مادري اسئلي الصيدليه اذا شي

وشي أنواع من الأكل اتقوي الذاكره..سوي سيرج وبيطلعلج..

والله يعينج أختي

ما تشوفين شر حبيبتي..سيري الطبيب..طبيبة نسائية أو طبيب عام وهو يحولك…بيسوولك تحاليل دم : عدد كريات الدم ونسب الفيتامينات والمعادن في الجسم والأهم فيتامين د..يتأكدون إنه كل شي طبيعي..إذا في نقص بشي بتتعالجين…لا تهملي الأمر حتى لا يصير حله اصعب

اختي النسيان مرات بيكون بسبب الضغط النفسي يعني في ناس الضغوظات النفسية بتكون كبيرة كثييير فتسبب مشاكل في كيمياء المخ او الخلايا فينسون بس يتعالجون اتصور واهم علاج الراحه
وفي ناس بسبب بس نقص في الفيتامينات وجي

وفي ناس قدراتهم جي يعني مثلا معروفين ياخذون وقت في الحفظ والفهم ماله علاقه بالعمر لان في ناس اعمارهم بالستين وماشاء الله عليهم

ولكن احسن شي مراجعة الطبيب ومادامت الوالده موافقه روحي انتي وياها الطبيب العام او الطبيبه وخبريهم بيسوون تحليل يمكن يكون بس نقص بسيط في الفيتامينات

احسن حل انج تكتبين وتسجلين كلشي
مافيج الا العافيه الغلا