السلام عليكم ورحمة الله وبركاته
لوسمحتوا الغاليات ممكن مساعده
انا البنت الوحيده لابوي تقدم لخطبتي واحد و يبي يشوفني لأول مرة يعني ( النظرة الشرعية – الشوفه الشرعية )ســــــــــــــــؤالي اللي مر فهالتجربة الاماراتيات فقط سامحوني بس بحكم العادات والتقاليد !
شنو تنصحوني البس هل احط مكياج أو لا وشعري شو اسوي فيه ؟
هل اروم البس فستان خفيف او تنوره وقميص أو مغربي او مخوره او جلابية ولا المفروض عباية وشيلتها ؟
لان الدين رخص للفتاة أن تلبس ماتيسر أمام الخاطب للتمسك بها وبالنسبه للحدود التي يجوز أن يراها الرجل في مخطوبته ، فقد اختلف في ذلك أهل العلم ، فمنهم من قال : تكشف وجهها ويديها ورأسها ومكان قلادتها ، وقال البعض الآخر يكفي الوجه والكفان ، والقول الراجح في تلك المسألة أنه يجوز لها أن تكشف له ما تكشفه على محارمها وهو :
1)- رؤية الوجه والشعر
2)- رؤية مكان قلادتها
3)- رؤية يديها حتى الدبلج ( أعلى المرفق بقليل )
4)- قدميها ، والله تعالى أعلم
هذا الشرع والدين لكن المعروف ان لكل دولة عاداتها وتقاليدها هني فالامارات شو المفروض اني البس ؟ فيدوني مالي غيركم
عادي احط ميك اب ؟ عادي افك شعري ولا ضروري الشيله ؟ شو اقول ولا اتم ساكته ؟ شو اسوي ادخل الميلس واقدم عصير ولا قهوة ولا ادخل فاضية اسلم وايلس دقيقتين ؟
اللي تعرف تفيدني ولاتبخل علي .. فرصه ترجعون لذكرياتكم الحلوه وتفيدون المقبلات على الزواج وفي ميزان حسنااتكم ان شاء الله
بانتظار ردودكم الحلوه خواتي ضروري واللي ماتعرف ترفع الموضوع بليييييز
والسموحة
البسي مغربي و عليه عباه و طلعي شويه من قصتج و حطي مكياج ابدا ما يبين اهم شي انه يخلي لويهج رونق و نضاره شبابنا الله يهديهم كثير يدققون و يحبون الاحتشام حتى لو كان الشرع محلل هالشي
صالح المغامسي .. حدود النظره الشرعيه
الأفضل بمعرفة الرجل اذا كان صادق وغير ذلك
الله يوفقج
المشاركة الأصلية كتبت بواسطة AD-LADY 
البسي مغربي و عليه عباه و طلعي شويه من قصتج و حطي مكياج ابدا ما يبين اهم شي انه يخلي لويهج رونق و نضاره شبابنا الله يهديهم كثير يدققون و يحبون الاحتشام حتى لو كان الشرع محلل هالشي
فديت قلبج مشكوره ردج ومشاركتج وايد قيمة ومفيده يزاج الله خير
– – – Updated – – –
المشاركة الأصلية كتبت بواسطة إماراتية. صالح المغامسي .. حدود النظره الشرعيه
الأفضل بمعرفة الرجل اذا كان صادق وغير ذلك
الله يوفقج
امين اجمعين حياتي
في ميزان حسناتج
ما اذكر اذا كانت لابسه عبايه ولا لا .. بس في عندنا بنات ف العائله لبسن و حد لا