شخباركم خواتيه
في قلبي واااايد اشياء وابا أفضفض
تعبت تعبت من كل قلبي
حاسة بالوحدة
أنا معرسة وسكنت مع ريلي في منطقة نائية واهو يداوم في منطقة غيرها
طول اليوم انا بروحي
من عرست وانا على هالحال
لا اهل و لا أصدقاء ولا جيران
يبت العيال ويبت لي شغالة
الحينة صارلي كم سنة ما أجابل غير اليهال والشغالة
وريلي دوم ايينا متأخر
ما عندي حد اسولف اوياه
واهلي ما اكلمهم الا بالتلفون
ما تتخيلون شكثر نفسيتي تتعب وايد
وريلي مب حاس فيني
مرات اتييني رغبة انتحر
واتعوذ من الشيطان واقول مب هاي النهاية اللي انا اريدها لعمري اني ادخل النار
شسوي
انا بروحي
انا بروحي
انا بروحي
مهما اهتميت باليهال والبيت
معنوياتي داااااون
ومحطمة
الشخص المحطم ما يقدر يعطي
صعب ان انسان ينعزل عن العالم لمدة شهور وسنوات
وانا طبعي اجتماعي واحب الطلعات واحب الربع
دورت حوليني ناس اتعرف عليهم ما شي فايدة
الوحدة بتجتلني
احس يتني حالة نفسية
وريلي مب فاهم
لا انه راحمني ويقعد معاي ويعوضني
ولا انه مسكنني عدال هلي وافتك
ولا اني عدال هله واعوض عن هلي معاهم
يعني من كل صوب مسكرة بويهي
تعبانة واااايد
سامحوني بس حبيت افضفض
والله اكتبلكم وانا اصيح
اختي الغاليــــة ,, أول شي أقولج الله يعينـــج ويسر أمورج ويسخرلج ريلج وعيالج 
غاليتي ليش تخلين سعادتـــج تعتمد على غيرج ,, !
ماشاء الله رب العالميـن خلقنا وأنعم علينا بوايـــد اشياء ,, ^_^
من بينها هواياتنا ,, الاشياء الي نحب نسويها ونستمتع بها ,, ليش ماتذكرين شو كانت هوايتج قبل الزواج وتمارسينها من يديد في بيتج ليش لا ,, خصصي مكان معين اذا تحبين الخياطة , الكروشي الرسم لغير اللارواح ^_^ , الفوتوشوب , التصميم , التطريز ….. وغيره كثير كثير
سوي الشي الي تتمتعين به بطريقة يوميـــة ومنتظمة تطلعين ضغوطات الحياة وتطورين من قدراتج الشخصيــــة
يوم يكون ريلج موجود اطلعي مكتبتــة وحوصي لين تحصلين النوع الي يعيبج قراءته وخذيه بعد واتمتعي بكم صفحة كل يوم
ليش ماتتمتعين بالنعمة العظيمة الي عندنا كمسلمين ,, الغذاء الروحي ,, دواء لكل داء
تخصصين وقت لج مع رب العالمين تتأملين فيه عظمة خلقه وعظمة دينا الكريم ,, ترطبين لسانـــج بذكر الله باسترخاء ^_*
وتحمدين الله سبحانه وتعالة على نعمه التي لا تحصى ومن أهمها عيالـــج ,,
ادعيلي بالذريـــة الصالحـــة ^_^
صدقيني الاطفال نعمـــة قليل الي يحس بقيمتها ,, فمتعي نفسج بعيالج والعبي معاهم واضحكو واستانسوا ^_^
خلج نشيطة في بيتج ولا تعتمدين على الشغالة والا بيكون عندج وقت فراغ كبير
وربي يوفقج ويسر أمورج غاليتي
شو الي فخااطرج قوليه لاتسكيتن وحاولي تشغلين عمرج بشي ثااني مثرل الخياطه او اي شي
ان شااء الله اكون فدتج
الغلااااااااا نحن خواتج ونحن صديقاتج وكل شي
بس الغلااا انتى لج حقووووق على زوجج يعنى يطلعج يقعد عندج على اقل نص ساعه فاليووووووووم
تعرفي على بنات فالمنتدى عسب تروحين لهممممممم واتين لهممممممممم
انا الحمدلله قبل كنت اضيييييييييق اشق ملابسي من الضييييييييييييق
بس الحمدلله الحييييييييين عندى ربيعات كثر شعر راسسسسسسسسسسي الحمدلله شرات خواتى وازوددددددددددددددددد ولله الحمد
اى شي تبينه حااااطر من عنونى الغلااا
اهم شي عليييييييييج بالاستغفااار وقت الضييييق والصلاه بوقنه والله يفرج همممممج0000