في موضوع حبيت أكتب عنه، بما انه في حريم مقبلات على الولادة،،
الموضوع يا أخواتي مهم لأن وايد ناس تجهل هالشيء،،
طبعا نحن سمعنا باكتئاب ما بعد الولادة، ولكن محد تكلم عن شعور الأمومة بعد الولادة؟،،
نحن فترة الحمل نتوقع انه أول ما نربي بنحس بالأمومة و نتخيل كيف الشعور بيكون حلو ،، بس الواقع غير شوي،،
طبعا أول ما تربي الحرمة السؤال اللي ينطرح دائما هو: تحسين انج أم؟
بعض الحريم يوم يربون مايحسون بأي شعور تجاه الطفل ،، بس يحسون انه ها الطفل منهم وانه الحين عندهم مسؤولية تجاه هالطفل،، واييهم اكتئاب أو خوف لأنهم يستغربون انه يمكن الأم مش طبيعية،، وايد أعرف حريم يتهم هالحالة وماتكلموا الا بعد فترة،،
فيا أم أو يا مقبلة على الولادة،، لا تخافين ،، شهر-شهرين بتحسين إن شاءالله بالأمومة و الحنان و الخوف تجاه الطفل،، وبتحبييينه وايييد، الموضوع يباله وقت شوي الين الحرمة تستوعب انه هي أم ،،
ما أعرف لو الفكرة وصتلكم أو لو عقدت الموضوع لول،،
انا في بنتي و لا حسيت بشي
كنت احس عادي ياخذونها عني – حتى لما كانت في الحضانة (الشيشة) ما كنت احس بشي إلا اصييح عشاان حالتها و تعبها لكن احساس امومة ماشي
و لأنها ما رضعت مني يمكن ها زااد الموضووع
بس بعد 4 اشهر اتعلقت فيها و احس صارتلي كل شي
مشكووورة على الطرح
وبطاعتك عن معصيتك ، وبفضلك عمن سواك ،
اللهّم لا تكلنا إلى أنفسنا طرفة عين ،
اللهّـــم آميـــن .
بس كنت وايد متعلقة فيه لدرجة اني اتخبل اذا طلعت وخليته 60 اتصال عشان اسال عنه خخخخخخخ
ويوم في ولدي الثاني كنت مش مستوعبة انهم صارو اثنين وكنت كله ازقر الثاني باسم الأول لاني مش متعودة على اسمه وعلى وجوده بينا
لا كله كوم ويوم تطعيمه مال شهرين كوم ثاني , قالولي شو اسمه قلت ماعرف هههههههههههههههههههه
عقب ذكرت اسمه وهم ميتات ظحك يقولون انخاف انج سارقتنه وياية اتطعمينه
خاصة إنها هي فحالة ما تقدر تعتني بالياهل بروحها…
المشاركة الأصلية كتبت بواسطة bnooota 
انا في بنتي و لا حسيت بشي
كنت احس عادي ياخذونها عني – حتى لما كانت في الحضانة (الشيشة) ما كنت احس بشي إلا اصييح عشاان حالتها و تعبها لكن احساس امومة ماشي
و لأنها ما رضعت مني يمكن ها زااد الموضووع
بس بعد 4 اشهر اتعلقت فيها و احس صارتلي كل شي
مشكووورة على الطرح
سبحان الله،،
مشكورة ع المرر حبوبة
المشاركة الأصلية كتبت بواسطة موازنه صح 
المشاركة الأصلية كتبت بواسطة أمونة2008 بس كنت وايد متعلقة فيه لدرجة اني اتخبل اذا طلعت وخليته 60 اتصال عشان اسال عنه خخخخخخخ
ويوم في ولدي الثاني كنت مش مستوعبة انهم صارو اثنين وكنت كله ازقر الثاني باسم الأول لاني مش متعودة على اسمه وعلى وجوده بينا
لا كله كوم ويوم تطعيمه مال شهرين كوم ثاني , قالولي شو اسمه قلت ماعرف هههههههههههههههههههه
عقب ذكرت اسمه وهم ميتات ظحك يقولون انخاف انج سارقتنه وياية اتطعمينه
لووووول،، سبحان الله،، الين بعد الأم تستوعب انه في بيبي ثاني ،،
المشاركة الأصلية كتبت بواسطة Pink tree خاصة إنها هي فحالة ما تقدر تعتني بالياهل بروحها…
صحيح،،