خواتي انا حامل شهر ونص والحمد الله وهذا اول حمل لي
خواتي ما عرف شي عن الحمل يعني نصحني شو الاكل او الشرب الي ممكن يضر الجنين
يعني انا احب الروب الحامض وايد خوصا روب الغنم الحامض وايد هل كثرته تضر؟
وشو الاكل الي يفضل اني اكله وشو الاشياء الي تساعد ان شاء الله على تثبيت الحمل؟
يعني اي شي ممكن اني اتحذر منه او شي تنصحني به
وطبعاً مالي غنى عن دعواتكم لي بالتثبيت والتساهيل
وشكراً
اهم شي وخري عن الاناناس والبابايا ولا تشيلين شي ثقيل …
الله يقومج بالسلامه
شوفي الغالية بقولج الي قالوه لي خواتي
لاتاكلين أناناس وبابايا وجريب فروت، كثري من الحليب لأن الجنين ياخذ من الكالسيوم الموجود في جسمج، بيضتين بالاسبوع، لاتشلين شي ثقيل ولا تجهدين عمرج وايد خاصة الاشهر الثلاثة الاولى عشان يثبت الحمل، ولازم تاخذين حبوب فوليك اسيد، طبعا لازم تكون تغذيتج صح وفيها كل المكونات
تقريبا اول 3 اشهر ما يحتاي انج تروحين المستشفى (نفس حالتي) بس على راحتج دام انه اول حمل لج،، وبالنسبة للزوج الافضل انكم تخففون من ……….. (فاهمة قصدي خخخخخخخخ)، لأن بعضهم ينزل منهم دم
واذا بغيتي اي نصايح ثانية يمكن نسيت اذكرها، فالج طيب راسليني عالخاص
مثل ما قالوا الخوات وخري عن الاناناس و البابايا و الافوكادرو لكن ازيدج من بعد البحث الشامل عن هالموضوع
كل شي تشتهيه لا تحرمي نفسج منه لكن بالاشهر الاولى عسب ممكن يصيبج الامساك اعتمدي اكثر على الخضارو الفواكه و الأعشاب الخضراء حق السلطة لكن احذري من الشبت
الرمان بعد قالولي انه مب زين حق لحامل …
الزنجبيل حولي تبتعدي عنه
القرفة خطرو حطي تحتها خط احمر حتى لو رشة خفيفة على الاكل حاولي تحذري منها
البابونج بعد خطر بنفس درجة القرفة
غير جي ريحي جسمج في الاشهر الاولى و العلاقة الزوجية حاولوا تتجنبوها قدر الامكان و لو صارت تصير خفيف و العفو منج يصير القذف خارجي
و الاهم من ها كله التوكل على الله و الدعاء و الاستغفار و في اليوم لو قدرتي و لو مرة تحطي يدج اليمين على اسفل البطن و تقرأي ايه الكرسي بقلب موقن و مطمئن و تتفكري بكل معانيها تقرينها ثلاث مرات
و دعاء تثبيت الحمل
اللهم أني أعيذ مافي رحمي بكلماتك التامه من كل شيطان وهامه ومن كل عين لامه
اللهم أسألك أن تحفظه وتجعله معافى كامل الخلقه دون زياده أو نقصان
اللهم حسن خلقه وخُلقه واجعله من عبادك الصالحين
و السموحة
وعرفت معلومات يديده