بغيت اعرف كيف يقمطوا الياهل؟؟
كم مرة يسبحونه…..
كم رضعه فاليوم….
وهل بعد ما اسبح الياهل احط ع جسمه شي من زيت
هل عندكم شي تظيفونه كمعلومه قديمه
بغيت اعرف كيف يقمطوا الياهل؟؟
تخلين اللقماط على شكل معين والطرف الي بيكون تحت راسه ادخلينه على داخل شوي
عقب تمدين يده اليمين اتلفين الطرف لقماط عليه وتخشينه تحته وعقب نفس الشي مع الطرف اليسار يعني جنه شرنقه يستوي خخخخ ياعيني ع الشرح بس
كم مرة يسبحونه…..الحين فالشتاء حرام تسبحينه كل يوم برد.. خليها كل ثلاث او اربع ايام مثلا واذا حسيتي انه ريحته
مب حلوه ييبي فوطه صغيره وبلليها بماي دافي وامسحي جسمه فيها وعقب حطيله زيت او باورد
كم رضعه فاليوم….
الي اعرفه انه المولود اليديد يحتاج لرضعه كل ساعتين
وهل بعد ما اسبح الياهل احط ع جسمه شي من زيت
ممكن تحطيله بيبي اويل وتسويله مساج شوي او باودر
وخذيله دهن عود خاص لليهال اذا تحبين بتحصلينه عند عبدالصمد القرشي
هذا الي اعرفه والي عندها خبره اكثر ياليت تفيدها ونستفيد وياها ^^
بس بغيت أنوووه انتبهي لمدة الرضعه يعني كل ساعتين و كل ما يكبر شوي تخلينها كل 3 ساعات بس تزيدين كمية الحليب في الرضعه ..حتى لو راقد وعيه علشان يرضع عالوقت .. علشان تعرفين ان أكله تمام و مافيه اختلال و تراقبين لو صار شي لا سمح الله .. اقصد انه يتغذى عدل .. و في نفس الوقت هالشي بيفيدج في المستقبل لو ترضعين طبيعي ما يفضحج جدام الناس و ترضعينه كل وقت .. بالعكس تعرفين الوقت بالضبط هو متى يكون يوعان و تروحين ترضعينه و عقب تقعدين مع الناس على راحتج ^^
تسلمووون صراحه ومنكم نستفيد
الصراحه الاخت الوردة ما قصرت عندها خبرة كل اللي قالته صح لكن اذا الياهل كمل ساعتبن وهو راغد لا تترين لين ينش روحه؟يمكن يطول في نومته وهو يوعان ؟عسب جذه وعيه عقب الساعتين ورضعيه واهم شي انج تتاكدين بعد الرضاعة انه (جشع)يعني ظهر صوت من فمه.وبس
على الاقل امسحيه بفوطه مبلله بماي دافي
على رقبته وجي يعني