ما خاب من استشار
بنتي عمرها 23 يوم ونزلت موضوع اسأل عن الشاي حق الغازات وجربت لها أمبرس بالشمار ما احس فادها وعطيتها امس ينسون وشمر وحبة سكر نبات والحمد الله سمعتها اطلع الغازات و وايد ريحها بس ابي أسألكم عادي أعطيها ها الأعشاب به العمر ؟؟!!
وشو الشي الزين حق الإمساك لأني أرضعها طبيعي عادي تقعد يومين او ثلاث بدون ما تعملها ؟! لانها وايد تتعصر وتصيح 
والماي لاني كنت ارضعها صناعي…
بس كنت اعطيها دوا اسمه انفاكوول.. للغازات..
آمن للرضع..
وامسحها بشكل يومي بزيت زيتون او زيت الاطفاال
واسويلها مسااج صوب البطن عشان الغازات او الامساك…
وبس 
ان شا الله البنات يفيدوونج اكثر ^^
اي شي انتي بتاكلينه بيأثر فيها حاولي تقللي من الاكل اللي يسويلج غازات شرات القرنبيط والبروكلي وبعض البقوليات وفيه حريم من الحليب
بسالفة الامساك اكلي برتقال أو مشمش وعادي يكون عصير
زيت الزيتون مب مال الاكل لأ بتحصلينه في الصيدليات زجاج غطاته حمرا… حطي شويه بفنيان و حطيه في ماي دافي و دهنيها ع بطنها بطريقة دائرية بصبعين إن شاء الله بتخف الغازات و لا تخلين الزيت ع جسمها فترة طويله يعني حطيلها اليوم وباجر سبحيها الزيت الزيتون يحبب جسم الياهل
الانفاكول زين عطيها قبل لا ترضع بثلث ساعه
الله يحفظها لج