القصة اليوم جديدة بس والله بموت من حزنها،،قصة ربيعتي ويا خطيبها المنتظر،،
ربيعتي تقولي:
نحن إثنين ولا أحلى منها عسل على سمن،، زملاء في الدوام و حبايب برع الدوام،،
قررنا اليوم الفجر نتفارق،، وكلن منا في عينه الدمعه،، مسج منه ومسج مني ،، وإفترقنا خلاص،،
نحن نحب بعض لكن كل واحد يكابر ويقول كرامتي ،، أنا لو نزلت شوي من كرامتي وإتذرت ،، أعرف هو مابيقبل الإعتذار ،،
انا بحقه غلطت كم مرة وهو بحقي يمكن غلط أو زلة لسان مرة وحده ،،
اتصلت فيه عقب الصلاة أبي أسمع صوته لآخر مرة،قالي شوتبين؟ وهو معصب،، قالت ماشي، قال متصلة عشان تقوليلي ماشي؟ على العموم الله يوفقج يابنت الناس،،وانا إعتبريني مت خلاص،،وسكر،،
وربيعتي تمت تصيـــــــــــــــح من الغصة والألم إلي فيها،،
وردت تقولي والحزن فيها ،،
اليوم تفارقنا ،، أبيه يرجع لي أبي أقوله شي أقدر أفهمه اني أحبه ،، أبي أقوله ان حياتي من بعد رضا ربي ورضاه ولا شي،،
(ملاحظة: هو خاطبنها بس للحين ماصارت الملجة،عمام البنت يعرفون بالسالفة انه يباها ،وهي مصلية إستخارة والحمدلله كل شي أوكيه)
قوليلي شو تسوي؟ حرام كسرت خاطري تصيح في حظني مثل الياهل،،
يلعن الحب وطاريه >> على قولت السوريين ،،
أختكم جنون ،،
الله يجدم ألي ف الخير
وانزين ليش ماوافقت عيل دامهم عمام البنت يدرون بسالفة؟؟
وربي يوفقها ان شا ءالله
انزين دآم انه خآطبنهآ و أهلهآ يعرفون خ توآفق =)
و الله يجدم اللي فيه الخير !
ربي يوفقهـــآ . . !
انا بحقه غلطت كم مرة وهو بحقي يمكن غلط أو زلة لسان مرة وحده ،،
الله يهديها يعني غالطة عيه اكثر من مرة وهذا قبل الزواج !!!!!!!!!!!!!!!!1
فالريال خاف شو بيصير بعد الزواج !!!!!!!!!!!!!
يمكن هو يكابر لانه ما يرضى ع كرامته ان خطيبته تغلط عليه
ويمكن وجهة نظره يفترقون الحين احسن قبل لا يرعسون ويكون عندهم عيال وتصير السالفة متلخبطة .
ويمكن بعد هذا من نتايج الاستخارة ان امورهم تتعرقل وينتهي كل شيء
هي استخارت وربي اختار لها هالشيء
الله يعوضها بالاحسن عنه
ويعوضه بالاحسن عنها
مشكورات على الرد،،
تأخر موضوع الخطوبة لآن الولد ماعنده المبلغ كامل عشان يأسس بيت الزوجية
وعلى الصلاه هي تقول كان كل شي أوكيه وهي ارتاحت من عقب الصلاه،،
بس ماعرف والله ،، تقول يارب تكون فترة زعل وتعدي،،
وهي كم مرة اعتذرت له كم مرة ،، بس مادري تقول هالمرة غير أونة هو يقولها ماقادر أستحمل،،
الله يصبرها انشالله ويعينها بمعونته يارب،،