شخباركن .. عسااكن بخير .. ^_^
بغيت أسأألكن ..
الي جربت الحزام الاندنووسي ..
نفع وياهاا ؟؟
وضرها بـ شي ؟؟
و يستوي الي مسويه عمليه قيصريه تستخدمه ؟؟
لو عقب 6 او 9 شهوور ؟؟
وووووو بث ..
يعني اي شي تعرفن عنه خبرني لو ماعليكن امر ..
وسلممممتن .. ^^
بـ حفظ اللهـ .. !!
آآآب
استخدامه بالنسبه لي وايد متعب
كل ما الفه على البطن يتبطل يعني حده ربع ساعه ويتبطل تعبت لعوووزه بس ماشالله وايد خوات يقولون نفع وياهم اشمعنى انا ماادري يمكن الغلط مني بعد مايندرى
حبيبتي بغض النظر اني أتاجر فيه >>>> وهو خالص الحين من عندي
انا ما تاجرت فيه الا بعد تجربتي له شخصيا
والله يشهد على كلامي
ما استخدمته على ولادتي الأولى لأني ما كنت أعرفه واستخدمت الطبي
وعلى ولادتي الثانية استخدمته بعد سنه لأني توني كنت سامعه عنه وفعلا استفدت منه
والولادة الأخيرة ما فكرت اني أجرب شي غيره لأنه فعلا فعلا فادني
وعلى فكرة كل ولاداتي قيصرية والحمدلله ما ضرني أبدا >>>> أهم شي انه بعد 3 أسابيع أو شهر أفضل تستخدمينه
حتى يلتئم الجرح و طبعا حسب الحالة الصحية وما ينشد أبدا الا بعد التئام الجرح تماما وتبتعدين عن منطقه العمليه غالبا العمليات الحالية تكون بخط البكيني
واستخدمته بالولادة الثالثة بعد مرور تقريبا 3 أسابيع
بس ما كنت اربطه على الجرح ولا أشده حيل
وبعد 3 شهور بديت أربطه عادي
وحتى بعد ما قطعت عنه ، اي وقت أحس اني أحتاجه وان بطني بدت تبرز على طول أستخدمه
ومتى ما كان عندي مناسبة وابي ألبس فستان مخصر اربط المشد قبل المناسبة بيومين والنتيجه روعه
المشد يدخل البطن للداخل ، بس الجلد يترهل فتحتاجين للمشي والرياضه لشد الترهل
او تقدرين تسوين مساج للبطن
طريقتي في المساج هي ملعقتين خل تفاح طبيعي مع ملعقة زيت زيتون
ودلكي البطن عدل واتركيه
مع الوقت شوفي النتايج الروعه … وهذه تجربتي
هو صح يملل في الربط و انا أمل منه بس لأني أعرف نتايجه أرجع له مرة ثانية
انا يوم اشتريته توهقت فيه ما عرفت اشلون أربطه
هو طويل و مهما تلفينه ما يخلص
كان وقتها عندي بشكارة أندونيسية ضحكت علي انا وخواتي لأننا كنا مستغربين منه !!!
و قالت انهم من بعد الولادة يستخدمونه لمدة 8 شهور
وما ينزعونه الا وقت الاستحمام و وقت النوم !!!!
وعلمتنا طريقة ربطه … و فعلا ينشد عدل و ما ينفك و قوي على البطن
يجزاها ألف خير بشكارتي
هذه تجربتي والله يشهد على كلامي
بس البنات ماشاء الله تبارك الله هابين عليه هبه مب طبيعيه
بس اكيد انه زين ولا الناس ما بتتعافد عليه جيه
اخر اثنين خذتهن مني دكتوره من دبي
^_^ الله يطريها بالخير