هالفتره ريلي يبانا نسافر
بس عندي نونو عمرع 10 شهور وااايد متعب صدق
يحب الشل و دلوع وااايد كله وقت الرقاد يبا يرضع
و مووول ما يستحمل اي اكل مو متعود عليه
يعني هو اكله سيريلانك ويا ثيك سيرم من الخضره .. موز .. بسكوت ويا حليب
عيش و روب .. كاستر .. كاراميل .. حليب .. عصير .. هالاشيا الي يستحملها
بس لو اعطي اكل شويه غير او يطعم سويت ع طووول يسهل
يعني هو يباله فالاكل ونحنا بنسافر ما بيكون عندي وقت اتم اطبخ له عيش و عصيده خضره .. لان هالاشيا الي تشبعه ..
وغير جي نبا نروح تركيا يعني شوي الجو بارد ..
فما فيني يمرض ..
وبيت ابوي ما بيطيع موووووليه اخليه اهناكي
واهل ريلي بيخلونه عندهم بس والله اعرف كيف محد بيجوفه الا يمكن مرتين باليوم بيجيكون عليه
لان ولد اختهم موووليه ماكنت اجوف حد يتابعه الخدامه ع كيفها تاكله و تلبسه و تشربه و ترقده حتى مره كان راقد وياها …
ولدي موول رقاده بليل متقطع ..
ماعرف محتاره قتله ما بسافر احينا او خلنا نروح تايلاند قال تايلاند ما بروح يا تركيا يا اوربا ..
واذا ما بتروحين بسافر بروحي
المشكله هالنونو غير .. ما يرقد الا متبطح ع كيفه يعني يوم تيله النومه لازم يتبطح ..
يعني يوم نروح بيت ابوه نكون ساعه في السياره .. و هالنونو لو بينام بيتم يصيييييييح لين ما نرقده على السيت وبروحه ينام تخيلوا ماساه .. فماعرف
ابا اروح استانس و بعد ما با اتبهدل
ماعرف شو اسوي اذا ما سافرت .. بتريا السنه اليايه و السنه الي طافت انا ما سافرت ..
بليز ابا اسافر خخخخخخخ
هالاسبوع لازم اعطيه الجواب ..
انا سافرت وبنتي عمرها 9 شهور
انش الصبح اجهزلها اكلها .. خذت مكينة العيش اللى تطبخ العيش اصغر حجم من انش الصبح .. احط العيش وماي وحط المشخله فوقها وحط خضار يطبخ بالبخار
جيه بتسوين 2 في واحد حطي العيش في حرارة صغيرة وحطي الخضار في حرارة صغيره وطبعا روب
بيكون معاج ماي وبسكوت اطفال وعصير وسيريلاك حطيه في العلب الصغار وحليب في العلب الصغار ومطارة صغيره فيها ماي حار
ودخلي انتي اتجهزي وعقبها طبعا جهزي الولد
الموضوع وايد سهل بس انتي خايفه
ويوم يبا يرقد تراه اذا في العربه مالته حطيها في وضعيه النوم
وطلعوا عادي
الموضوع تراه وايد سهل حرام انتي تقولين محد بيجابله الا الشغاله وكيف انتي بتروحين تستانسين وانتي تعرفين انه ولدج عند الشغاله
نحن عيالنا احيانا مانتحملهم وين هيه بتتحمل عيال غيرها
ولدج امانتج انتي وريلج
هاي هيه مكينه العيش بس طبعا الماركة غير .. بتحصلينها في أي مكان
وتراها صغيره مش كبيره تقدرين تحطينها في الشنطه
في الجدر تسوين العيش وفوق هاي مشخله الرصاصية تحطين فيها الخضار علشان يستوي ببخار العيش وتغطينه بالغطاه تي وياه
منها اتسوين العيش ومنها تسوين الخضار علي البخار مفيد اكثر للبيبي لانه قيمه الخضار الغذائية ماتروح
10 دقايق الخضار والعيش جاهز
نصيحه شلي البيبي معاج وتركيا كل المطاعم يسووون عيش ابيض وروب اكلي عيش وروب وشلي سيريلاك معاج
وهو صغير مابيتعبج وايد بيرقد في العربانه…
وقبل لا تختاري المكان شيكي موقع وزارة الخارجية
اوروبا بارده هالفتره احلى وقت شهر 4
الولد عادي شليه معاج هذا العمر عادي تقدري تطلبي له ماش بتيتو او خضار بالبخار وعطيه بايده والشوربات خضار واذا يحب السيريلاك عطيه مره مب زين وايد وفواكه تفاح او موز او كمثرى
رتبي رقاده معاكم اذا يبي يرقد سولفي وياه عطيه شي يلعب او بسكوت
انا اشل عيالي واستانس بالسفره معاهم
وحلييله هاليآهل واذا قدرتي غطييييييه عدل ودفيييه وسآفري استاانسي ويا ريلج ما بتتعوض السفره او انج تقترحين على ريلج انه ما تطوولووون وايد في السفر
سؤالج غريب
يعني الواحد وين بيحط اولاده
خلاص هذوله امانه ولازم نهتم فيهم وصدكيني ما راح ترتاحين بسفرج اذا حطيتي ولدج عند اي حد حتى لو اهلج
راح يبقى بالج مشغول
اخذي معاج واحذي ملابس شتوية واطلعي وتونسي وهاي فرصة
بعدين شلون الازواج يسافرون بدون اولادهم وزوجاتهم
انا زوجي سافر لتركيا للعلاج مسكين يقول ما تهنيت ولا استانست لان انت مو معاي ولا اللاولاد