السلام عليكم ورحمة الله وبركاته
بنات ابي خبرتكم في الي يتعالجون في مستشفى دبي للاخصاب
شواحسن دكتورة عندهم…قبل كانت حسنية قرقاش احسن وحدة والحين هي مب موجودة
انا اول مافتحت الملف كان عند الدكتور محمد وبصراحة تعامله وايد حلو بس الحين حولت ملفي مااتخيل ريال يسويلي العملية وتوكلت ع الله وحطيت موعدي السونار عند عواطف
مادري انتوا شو رايكم فيها ولا الهندية احسن …
وبالنسبة للي حملوا عن طريقهم ياليت يحطون خبرتهم
والله المستعان ويرزقنا بالذرية الصالحة المعافاة عاجلا غير آجل
الغالية انا للحين اتريا ردهم عشان نتعالج عدهم
أنا أتعالج عند الدكتور محمد بصراحة وايد زين ومحترم سويت عنده هو بالذات لأن حالتنا أنا وزرجي شوي صعبة . عندهم دكتورة هندية ما ادري أو باكستانية اسمها هينا وما أعرف شي عن الدكتورة عواطف . انتي صلي استخارة وتوكلي على الله هم بس أسباب والله المعطي الله يرزقني ويرزقج وكل إخواتنا بالذرية الصالحة السليمة المعافاة من غير زيادة أو نقصان
مشكورين حبايبي ع ردكم الطيب
المشكلة في زوجي ولله الحمد تم تجميد الحيوانات المنوية وخلصنا كل تحاليله
والحين دوري وطلع عندي هرمون الحليب شوي مرتفع
وعندي موعد هالشهر وع خير ان شاء الله
والله يرزقني ويرزقكم بالذرية الصالحة عاجلا غير آجل ويفرحنا فيهم
المشكلة في زوجي ولله الحمد تم تجميد الحيوانات المنوية وخلصنا كل تحاليله
والحين دوري وطلع عندي هرمون الحليب شوي مرتفع
وعندي موعد هالشهر وع خير ان شاء الله
والله يرزقني ويرزقكم بالذرية الصالحة عاجلا غير آجل ويفرحنا فيهم
ما ادري عنه بس ما تعرفين شي عن مركز ايف للاخصاب اللي في الشارجة
بسألكم سويتوها في دبي للاخصاب عن طريق الدويان وله دفعتو انتو؟ ولو عن طريق الديوان شو الاجراءات لان سمعت ان اي وحده زوجها او هي جوازها من دبي الديوان يدفع لهم كامل التكاليف بس ما اعرف كيف الاجراءات حتى اللي ريلها في الجيش
المشاركة الأصلية كتبت بواسطة لمعة خرز 
بسألكم سويتوها في دبي للاخصاب عن طريق الدويان وله دفعتو انتو؟ ولو عن طريق الديوان شو الاجراءات لان سمعت ان اي وحده زوجها او هي جوازها من دبي الديوان يدفع لهم كامل التكاليف بس ما اعرف كيف الاجراءات حتى اللي ريلها في الجيش
سويناها على حسابنا الخاص . اللي أعرفه أن اللي يشتغلون في الجبش ببلاش يعني الزوج اييب رسالة من الجيش ويقدمها لمركز دبي ولازم يبدأ الفحوصات والعلاج خلال شهرين من تاريخ اصدار الرسالة هذا اللي أعرفة بالنسبة للديوان ما أعتقد يقصرون بس ما أعرف هل شرط يكون عندهم جواز دبي أو لا