صباحكممساءكم جوري
بتكلم اليوم عن موضوع مدري إذا تكلم فيه أحد قبلي وإلا لآ ..
ـالأم الحنونه : يآ بنتي خلي آلنت عنج وروحي للمطبخ تعلمي الطبخ
باجر بتعرسين وولد النآس ماراح يتم من مطعم لمطعم
ـآلبنت : امايه صبري مب باجر عرسي .. يوم بعرس بتعلم..
ـالأم آلحنونه : الريل يبي حرمه سنعه تطبخ وتبدع بالمطبخ .. ماتعرس عشآن
يقعد كل يوم يشتري من مطعم .. ويقول شو خلاني آخذ اللي لا تدبر ولا تعبر
ـآلبنت : امي هو تزوجني عشآن أطبخ ..!! ترآج مكبره آلموضوع وايد بنآت
عرسن مايعرفن شي ..
ـالأم الحنونه : شدراج أنهم مرتآحين ومآعندهم مشآكل .. آلريال يعرس يبا آلرآحه .. يبت لما يرد من
آلدوآم يلقى كل شي جآهز ومرتب .. وأشكآل وألوآن من آلطبخآت وآلسنع
ـالبنت : إن شاء الله بتعلم .. بس مب الحين .. الله يكتب الخير..
وش رأيكم بآلحوآر آللي فوق .. من آلحوآر ستبدأ إنطلآقه موضوعي
يقولون ( أقرب وصول لقلب الرجل معدته )
تراها صدق واحد كان يقول اذا انا زعلان حرمتي تراضيني بالطبخات الحلوه
هل فكرتوا يآبنآت بتلك آلمقوله ومنهآ حسيتوا أن عندكم رغبه بتعلم آلطبخ ؟؟
ومن إللي فيكم تطبخ وتتفنن بآلطبخ ..؟
بعض الزوجات بيقولوا
وآلله آن موضوع آلطبخ مسبب لينا أزمه مشكلتنا الدجآج وريحته او السمك وزفرتة ووووو
وايد يقول إذا تزوجت وحده مآتعرف تطبخ برجعهآ لأهلهآآ
<<ليش ـالحيآه بس طبخ
وش رأيكم بكلآمهم ..؟!
وهل ممكن أحد منكم يا شبآب يسويهآ ..؟!
لوجيت من الدوام ولقيت الغدا ماستوا هل تقوم بطبخ عن زوجتك ..؟!
ورأيكم بآلبنت إللي مآتدبر شي بآلطبخ ..!!
يابنات ادري ان موكلكم من هذا النوع وفيكم الخير اكيد
لكن خلوني اشوف ارآئكم في الموضوع
.. يعني يقولج الطريق الى قلب الرجل معدتهـ ..فلمهم اتكونيين طباخه ماهره ما بتدخلين قلبه وبس الشرايين بعد خخخخخخ
وتنصحني الى ان الحمدلله تعلمت ومدبرة الاموروالحمدلله ريلي من النوع القنووووووع لو مالقاني مسوية غدا او عشا عادي عنده مايعرف يطبخ بس يجيب اي شي من برى مشكلة
والله يديمها علينا نعـــــمة
مب كل الرياييل في استطاعتهم يوفرون خدم وطباخين فمن الظروري الحرمه اتكون تعرف هالاشياء
الا الطبقه الهاي هاي كلاس من المجتمع طبعا اكيد ما يحتاج يتعلمون لوووول