عزيزاتي
بسافر النمسا (ولأول مرة) في الصيف، ويا عيالي وزوجي. الرحلة يومين ماريوت فيينا، ثم 3 ليالي في جراند زالامسي، وبعدها 5 ليالي ماريوت فيينا. ما بسير سالزبورج لأني أخاف أتنقل وايد ويا عيالي. لما شفت بعض المنتديات تحذر من الجهاز الكاشف في المطار، ومن فندق جراند إنه كله بعوض وفيران!!!!! وبدون تكييف!! هل هالكلام صح؟ هل فندق هوف أحسن؟ ولا ألغي زالامسي وأروح سالزبورج؟ وفي سالزبورج أي فندق أرقى، شيرتون ولا Sacher؟
بسافر النمسا (ولأول مرة) في الصيف، ويا عيالي وزوجي. الرحلة يومين ماريوت فيينا، ثم 3 ليالي في جراند زالامسي، وبعدها 5 ليالي ماريوت فيينا. ما بسير سالزبورج لأني أخاف أتنقل وايد ويا عيالي. لما شفت بعض المنتديات تحذر من الجهاز الكاشف في المطار، ومن فندق جراند إنه كله بعوض وفيران!!!!! وبدون تكييف!! هل هالكلام صح؟ هل فندق هوف أحسن؟ ولا ألغي زالامسي وأروح سالزبورج؟ وفي سالزبورج أي فندق أرقى، شيرتون ولا Sacher؟
والله احترت!!! وياليتني مادخلت هالمنتديات، لأن راسي دار، وأخاف آخر شي ألغي السفرة من الأساس، خوفي لأن معاي عيالي.
شو الراي؟؟؟
الغاليه اممم الجهاز ما كان موجود في مطار النمسا من شهرين اطمني 
وعن الفنادق انا عن نقسي ما افضل جراند أبد ،،، بس ماعرف عن الحشرات والفيران يمكن صح لأن مطل ع البحيرة وانتي اتعرفين الحشرات اتكون مكودة وين الماي
وأكيد هووف أحلى ابوايد واعتبره أحلى فندق وارقى فندق في زيلمسي ^^
على فكرة سالزبورغ قريبه وااااايد من زالمسي يعني تقدرين تسيرينها رحله وتردين في نفس اليوم …
وانا سكنت في جراند والحمد لله كان نظيف وماشفت فيه شي .. بس على فكرة فيه قسمين مبنى جديم والثاني يديد … بس كل فنادق زالمسي مافيهم مكيفات
أنا أبا اسافر النمسا بس ما حطيت في بالي ان فندق جراند مب نظيييييييييييييييف مع انه موقعه روعه …
بس حبيت اسالكن انه في شهر سبعه شو الجو هناااااااااااااااك ؟؟ حر ولا عاااااااااادي ؟؟؟
بس حبيت اسالكن انه في شهر سبعه شو الجو هناااااااااااااااك ؟؟ حر ولا عاااااااااادي ؟؟؟
ياربي جراند مب نظيف
عيل انا ع بالي نظيف وزين وموقعه حلو
عطونا اختيارات ثانية من الفنادق في هذي المنطقة
حبوبه انا يايه من فينا شهر اربع الي طاف مافي شي اسمه الكاشف في المطار بالعكس مرينا في المطار بسهوله اما بنسه للماريوت مادري لاني سكنت في الهيلتون جريب من الماريوت بينهم بس حديقه بس الاجرب للسوق هو الماريوت بس الهلتون مو بعيد وايد اما اذا تبين شي فخم وحلو ونظيف عليج باالانتر لان رااااقي وممكن تدخلين موقع فندق كوم واتشوفين الفنادق وتختارين على راحتج.
ألف شكر خواتي ماقصرتوا وردا على استفسار ريم الريف، أنا سألتهم في الفنادق وقالوا لي إن الحرارة بين 25 و. لكن بالليل الجو بااارد. عالعموم أنا قررت أسير سالسبرج -فندق شيرتون- بدل زالامسي، لأن بصراحة أخاف أجازف وعيالي معاي.
وردا على استفسار ريم الريف، أنا سألتهم في الفنادق وقالوا لي إن الحرارة بين 25 و. لكن بالليل الجو بااارد. عالعموم أنا قررت أسير سالسبرج -فندق شيرتون- بدل زالامسي، لأن بصراحة أخاف أجازف وعيالي معاي.
بنات…في حد ممكن يدلني على محلات لبيع الجاكيتات الطويلة الراقية في دبي؟؟؟ شو الموضة هالأيام؟؟؟