شو العلوم يالغاليات..ان شاء الله بصحة وسهالة
بنات بدش فالموضوع على طول
الموضوع سلمكم الله اهلي الي مايبونيي اعرس
يمكن تشوفوني صغيرة بكمل 22 عقب كمن شهر
بس انا في حكم الاهل عانس
لان عندنا بنات يعرسون من سن ال18 بس اهلي مارضو
اني اعرس لين اخلص دراستي والحمدلله خلصتها
الحين كل مايتقدملي واحد اهلي يرفضونه بحجة ان توني صغيرة عالزواج
المشكلة اني قبل كنت اسكت قلت وياهم حق خل اكمل دراستي
واحصل شهادة لاني اصلا ابا احصل شهادة عسب اضمن عمري
وعقبها الله ايسر اموري ان شاء الله والحمدلله
تيسرت اموري
بس الصدمة الكبيرة لما ربيعتي دقتلي تقولي (سنين العنا) تصدقين
ان عمرج مابتعرسين اقولها ليش تقولي امها دقت حق امي تخطبني
منها امي ردت عليها انتوا غالين ومن هالرمسة
يعني تردهم بادب 
عقب زقرتني امي تقولي ترا ام فلانة ربيعتج دقت تخطبج تميت صاخة
جان تقولي بقولج شي صح بيزعلج بس هالشي انا اباه وبيستوي
لاني احبج والله قالتلي يا بنات تعرفين لو يخبطج مليون واحد واحسن الشباب
انا مابوافق انا مستحيل اخليج تسيرين بعيد عني لاني اخاف عليج
اونه نحن متعودين ع بعض وانتي بدوني تتعبين وبتمين تصيحين
تبيني قتلها امي ولو يا نصيبي تقولي انا مابخليج تعرسين
اخوانج وخواتج برايهم بس انتي اكثر وحدة وياي وتمت تصيح
والله ان قلبي تقطع عليها وبنفس الوقت قلبي تقطع علي ..
انا واااااااايد احب اهلي بشكل مايتصور وينوصف بس مب
لدرجة ان يحرموني من هالشي ولله اموووووت واييب
ياهل وهي اكثر وحدة تعرفني اتخبل عاليهال وكل ماشوف
ياهل جدامي الوي عليه واقول متى بييب واحد شراتك تضحك
علي وتقولي ماشي امل مابتخليني وبتسيرين
والله يا بنات اني ضايجة ومب عارفة شو اسوي..طول الوقت
استغفر وادعي الله يهدي امي وترضى تزوجني ..
الوالد حليله وااااايد وياي وبيزعل وااااايد لو ظهرت من البيت
وعرست بس بنفس الوقت بيكون مستانس لي
انا احس لو صار نصيب وعرست عادي امي تجلبها لي
مناحة وصياح..انتو ماتعرفون العلاقة الي بيني وبينها
انا واااااايد وياها فالسراء والضراء ع قولتهم بس بعد
مابغي انحرم من هالشي
ادعولي يا بنات الله يهدي امي فديتها ويكتبلي الي فيه الخير
وارتاح انا وترتاح هيه ولله يوفق الكل ويرزقكم بالزوج الصالح
للي مب معرسة والي محرومة الله يرزقها الذرية الصالحة
ياااااااااااااااااااااااااااااااااااااااارب ويهدي الكل ياااارب
مشكورين خواتي وسمحولي طولت عليكم وايد بس حبيت افضفض واتمنى انكم تدعولي وتدعون الله يهدي اهلي
حاولي تخلين حد من خواتج أو خالاتج يفهم أمج إنج لازم تعيشين حياتج شرات ما عاشتها يعني وضحوا حقها انه شرات ما هي يابتج وحبتج انتي بعد ودج يكون عندج شراتها
مدام انتي تحبين امج لهالدرجة ربي ما بيخيب ظنج فيه وان شاء الله بتصيرين أم وبتبشرينا قريب
بالتوفيق اختي والله يفتحها بويهج يا رب.
عزيزتي ما اعرف شو اقولج بس احس الي امج اتسويه غلط والمفروض حد يكلمها ويفهمها الموضوع عدل يعني خواتج الكبار مثلا او خالاتج اذا ممكن وفي حل اخر ممكن انج تسكنين في بيت اهلج اذا في مجال اتسون ملحق لين يتعودون ع موضوع انج متزوجه وبتستقلين بحياتج …
الصراحه فراق البنت صعب بس بعد هذي سنة الحياه وحكمة ربج ما ايوز الي يصير انتي الحين صغيره والخطاب يدقون بابكم باجر بتوصلين في ال 30 ومحد بييج لان عارفين الرد مسبقا .
الله يسعدج ويهدي قلب امج ويصبرها *_*
احس شراتج انا
الله كريم الله كريم اختي
هذيلا الاهل شو بنسوي
المشاركة الأصلية كتبت بواسطة walah 
حاولي تخلين حد من خواتج أو خالاتج يفهم أمج إنج لازم تعيشين حياتج شرات ما عاشتها يعني وضحوا حقها انه شرات ما هي يابتج وحبتج انتي بعد ودج يكون عندج شراتها
مدام انتي تحبين امج لهالدرجة ربي ما بيخيب ظنج فيه وان شاء الله بتصيرين أم وبتبشرينا قريب
بالتوفيق اختي والله يفتحها بويهج يا رب.
فديتج هم بروحهم ماودهم اظهر من البيت لاني فرفوشية
الله يكتب الي فيه الخير وحبيبتي مشكــــــــورة على الدعوة الحلوة والله يحققلج الي في بالج يارب العالمين
الله يهديها ان شاء الله
والله يرزق كل بنت بالزوج الصالح وكل محرومه بالذريه الصالحة
أامييييييييين
المشاركة الأصلية كتبت بواسطة ELYAH عزيزتي ما اعرف شو اقولج بس احس الي امج اتسويه غلط والمفروض حد يكلمها ويفهمها الموضوع عدل يعني خواتج الكبار مثلا او خالاتج اذا ممكن وفي حل اخر ممكن انج تسكنين في بيت اهلج اذا في مجال اتسون ملحق لين يتعودون ع موضوع انج متزوجه وبتستقلين بحياتج …
الصراحه فراق البنت صعب بس بعد هذي سنة الحياه وحكمة ربج ما ايوز الي يصير انتي الحين صغيره والخطاب يدقون بابكم باجر بتوصلين في ال 30 ومحد بييج لان عارفين الرد مسبقا .
الله يسعدج ويهدي قلب امج ويصبرها *_*
وعليكم السلام ورحمة الله..
فديتج ماعندي خوات كبار وخالاتي يمرون بمشاكل مع ازواجهم وهالشي طبيعي في الحياة
بس هي تخاف امر بنفس المشاكل وماودها تسلمني لواحد ماتعرفه وحتى لو كان من اهلي نفس الشي.. وكلامج صح عندي وايدات يبون يخطبون ودوم يقولونلي ان انتي فبالنا ومابنحصل شراتج بس نعرف راي امج فماله داعي نحرج عمارنا
مشكورة اختي الياه عالدعوة الحلوة والله يسمع منج يارب وربي يكتب الي فيه الخير