انا عمري 23 متزوجه من ريال مطلق وعنده اعيال 3 بنت عمرها 10 وولدين 9 و 6 مكان عندي مشكله بخصوص العيال ابدا بس الحين صارلي سنتين من تزوجت خاطري يقولولي يمه كله ينادوني باسمي او عالاقل يقولولي عمتي قلتلهم ليش ماتقولولي يمه قالت البنت انا ابي اقولج بس خايفه من امي تدري هي قالت لا اتقولولها يمه انا امكم بس وامهم ابد كله اتسبني عندهم اتسميني السباله الخنزيره وهم مايرضون علي حتى يقولولها نحن مابنيج مره ثانيه ادا اتسبين حرمت ابونا هي طيبه واتحبناوسوت اللي انتي ما سواتيه هادا كلام بنتها لها ابد ماتسال عنهم الا بعد شهر او شهرين لا تليفون ولا شي وهم حرام يبونها تسال عنهم ويحسون بانها امهم بس لعنبوه القلب اللي عليها امهم عقتهم على ابوهم وقالتله رب كلابك اللي يبتهم قصدها اعيالك شو هالكلام هم اعيالج مثل هم اعياله انا والحمدلله ما عمري قصرت اوياهم في شي حاطتنهم في اعيوني وهم عايشين عندي يروحون لامهم وقت ماهي تبيهم وهم في خاطرهم ما ودهم يسيرون بس انا اقولهم سيرولها هاي امكم اللي ربتكم وربي شاهد علي اني في عمري فيوم ما اتكلمت عن امهم بشي مب زين الا اوصيهم عليها انا مضايقه من هالشي ليش ترمس عني قدام اعيلها بالسوء حتى يوم ربيت قالتلهم هادا مب اخوكم واللي بيسميه اخوه بيشوف شغله
عالاقل اتحمد ربها الله عطه اعيالها حرمت ابو طيبه في ومعابلتنهم و ومب مخليه عليهم قاصر حتى اعيالها قالو ياليتج انتي اللي ربتينا ليش امنا ماتحبنا مثلج ليش ماتسوي مثلج
انا شسوي انا ابيها ماتكلم عني ابدا لا بشين ولا بزين قدام اعيالها وبعدين كيف يحترموني
يوم ايروحولها ويرجعون عندي امي قالت عنج جي وجي وجي وخوالهم بعد لييييييشش انا شو سويت انا ما عرفهم ابدا ولا علاقه وياهم وعمري ماشفت امهم ليشش يرمسون عني قوللي شو الحل
لاااااااا تزعلين عمرج حبيبتي و الي انتي تسوينه هو الصح و عامليهم احسن معاملة لان حرمة الابو شي مب هين و الله اني شفت الويل من حرمة ابوية بس خاطري ادعي عليها .. دمرت حياتنا .. حسبي الله و نعم الوكيل
ياستي الحمدلله انج انسانه تخاف ربها وتعاملهم عدل
ربي مابيضيع اجرج ..
وخل امهم تقول اللي تقوله فالنهاية هم عندج وانتي تعاملينهم صح وبطيبتج وسلوكياتج الطيبه بيحترمونج
وامهم للاسف ماتدري انه بهالطريقة هم بيتحاشونها هي لانها تقولهم شي والواقع شي اخر
مع الايام روحهم بيحسون فحنانج وبيزقرونج ب امي لاتحاتين
واهم شي انج ابد ماتشوهين صورت امهم جدامهم اذكريها بالخير وكوني الاحسن
الله يهنيج ويجزيج الخير^^
سوووووويلهااا اكبــــر طااااااااااااااااف خل ترمس من اليووم لين باااجر
اهم شي ان العياال وريلج يحبوونج ويشوفون معااملتج حلوووة وبس داامهم يحبوونج
خلاص مااعليج من البااجي خل يوولوون ..
انا حاسه يج لاني انا كبرج وانا حرمه ابو محد يحس فيج الا الي مثلج هو صعب تعاملين عيال ريلج مثل عيالج بس تاخذين اجر وااايد وهي غيرانه منج فانتي خلج واثقه من نفسج وزيدي من جرعه الحب لعيالها علشان يعرفون حقيقتها وما يسمعون رمستها وما يرضون عليج … وهي اكيد ميته قهر انج يبتي من بيبي من ريلها الاولي فخليها تولي وعيشي حياتج ولا كانها موجوده وقولي حق عيالها لا تسمعون كلام اي حد في اي شيء انتوا احكموا بنفسكم ع الانسان ولا تتاثرون بالغير لان الدنيا مافيها خير
والله يعينج ويثبتج ويرزقج كل خير 
ياليت كل الحريم شرواج
جان الدنيا بخير الحين
والعيال ما بيتشتتون
الله يوفقج حياتؤ
سوي لها طااااااااااااااااااااااااااااف
والايام بتثبت انج الاحسن والكل بيعرف هالشيء