شحالكن بنات
نفسي افضفض واطلع كل الي في قلبي
انا كرهت الزواج من سبة الناس الي كل ساعة يقولون ماتزوجتي انتي ماتبين تعرسين نبا نرقص في عرسج ؟!
ووحدةشو اقول عنها ام عيال وحرمة كبيرة وقول لازم تعرسين حتى لو كان متزوج عندهم الي ماتتزوج وتتأخر يا انها تحب واحد او انلبست بسم الله علينا او فيها شي يعني شو اقول لوحدة نفس هذي متخلفة ما اقول غير حسبي الله ونعم الوكيل وللعلم يابنات نصيبي سبحان الله ماينقطع ويوني ناس لكن سبحان الله مايصير نصيب
وكل ما افقد الأمل سبحان الله ييني خطاب ولكن مايصير نصيب اقول بين نفسي يمكن من ذنوبنا استغفر الله
لكن انا فعلا تعبت ومابي الزواج هو محور تفكيري الي كل محد يشوفني يتكلم فيه ومابي كلمة عرس أسمعها نهائيا لما اسمعهم يسولفون ان شا الله حساسة تعرس ابتسم واشل عمري واروح خلاص عفت والله اني عفت
ومرات افكر انا شوفيني مب قاصر عليه شي …..
وان ياني حد مرة من عند الباب بقول مابي خلاص لاني احس دايما مالي نصيب
وفعلا لما ما افكر في الزواج اكون مرتاحة نفسيا والله ما اراد حكمة من عنده
الحمدلله رب العالمين
الزواج نصف الدين
وهو سنة الحياة
والحمدلله انتي ايونج خطاب… شي بنات وصلن الأربعين وماحد دق عليهن الباب
هذا مب معناته فيهن شي.. بالعكس.. كل شي نصيب..
والله كاتب لهن هالشي..
وأكيد فيه خيرة لهن
وكل تأخيرة فيها خيرة حبوبة
لا تتضايقين… إذا الله كاتب بتعرسين.. وإذا لأ.. بيتأجل..
وعليج بالاستخارة في كل مرة.. ولا تستعيلين…
لو خيرة.. الله بيسهل لج كل أمورج
الله يوفقج يا رب… ويسهل لج أمورج.. ويرزقج الزوج الصالح اللي يصونج…
لا تعورين راسج
واللي تضايقج بكلامها طنشي
المهم راحتج النفسيه حبيبتي ^^