خواتي الله يخليكم اتمنى كل وحده تدخل موضوعي تعطيني حل او تعليق. عندي ثلاث بنات واكبرهم عمرها 15 سنه يعني في البيضه. والله ما مقصره معاهم في اي شي وبالذات الكبيره اكثر وحدة محصله دلع وحنان مني ومن ابوها. بس البنت قاسية القلب عمرها ما تحس فينا ولا حتى تتنزل تقعد اتسولف معنا معتزله نفسها عن الجميع بدون اي اسباب ومن فتره انصدمت صدمة عمري اكتشفت انها على علاقه مع شخص غريب وهو صغير في السن طبعا مشكله كبرت وادخلت انا وابوها وتعاقبت بشدة ووعدتنا بان ما تكررها بس للاسف عادت الكره مره ثانيه وبعد اتعاقبت وقمنا ما انكلمها اكثر من شهر وعادي عندها ما اتأثرت لانها بدون مشاعر. شو اسوي انا متاكده انها بتكرر السالفه مره ثانيه مع اني قاطعه عنها كل وسيلة اتصال بس هي يوم اتروح عند حد من اهلي بتتصل من عندهم. خواتي نفسيتي وايد تعبانه وقلت ما في غير خواتي ينصحوني تراها هي شرات اختكم او بنتكم النصيحه النصيحه
ادعيلها في صلاتج دوم الله يهديها وان شاء الله الله بيهديها
مشكوره ام غايه جبرتي بخاطري الله يجبر بخاطرش والله اني ادعيلها في كل صلاه بس معقوله ما في حل ثاني
الله يهديها
اختي يلسي معاها وفهميها ان هالشي غلط … واشغلي وقتها دووم وخليها تتعلم شي هي تحبه مثل الخياطه ولا الطبخ ولا اي شي ثاني وساعديها واشتري لها اغراض وخلي تشغل فيه وقتها … لأن اغلب هالاشياء تستوي لما يكونون يعانون من فراغ …
وبعد كلميها وشووفي شنوو بخاطرها يمكن متضايجه من شي .. وما تعرفين يمكن هالشخص يهددها علشان جيه ما ترووم تودره …
الله يهديها
عودوها ع انكم كل يوم تقعدون وياها
يعني يوم تشوفينها فالغرفه بروحها شلي ريلج وعيالج وسيروا عندها
عادي لو تتضايج المهم تتعود انها مب وحيده وتسوي اللي تباه
خل تتعود انكم ع طول وياها يمكن حزتها تتعود عليكم اكثر وتفتقدكم وتصير بروحها تيي تقعد وياكم
والله يهديها ان شالله ترى سن المراهقه فيها الممنوع مرغوب