انا وريلي ريلي يحبني دلووعه بس في احياان احس انه يجرحني بدوون ما يقصد ..
مثلا اقوول حد عازمنا وهوه يعرف انهم ناس غالين علي يقوول قطعى ..
انا اسكت استحي ارمس معاه .. واتغير اسلوبه مب اتغير يعني الا مبالاه ..
كل شي عنده فريي انا من انولدت وانا مدلعيني اهلي .. هذا طبعي معروف عني حتى يوم خطبني كان يعرف ..
ومرات احب اتكلم بدلع يعني طبعي بس اقدر اغير صوتي ..
ويوم اكوون قاعده اسحي شعري ايتم ايطالعني دايماً يقوول كأن في خاطرج شي ..
اقوله لا ماشي عادي .. مع اني شاله عليه فخاطري .وخانقتني العبره . وما حبيت اجرحه و اواجهه ..
ويوم اتحمس فسالفه ارمسه فيها يختم الموضوع ليش تتدلعين وانتي ومادري شو س ج س ج ..
فأتظايق منه .. احس كل ما اشوف فعيونه انه خذ مني الي يريد .. اتضايق ووايد متضايقه ..
وصرت اصرخ ع الخدامات .. وما اقدر اتحمل يعني الي يشوفني يسمي علي من فوق لتحت ..
والكل ايحبني لاني طيبه وحلوه واايد وخلوقه وجسمي ما يعيبه شي الحمدلله .. بس ريلي لما يفتح موضوع لازم انجرح فأخرته ..
وفوق هذا احبه ما اقدر استغني عنه وصرت وايد اعصب من الخدم .gif "12 (68)")
ودقيقه فكل شي ومرات ما يعجبوني الناس يعني مادري شو صار فيني وايد اتغيرت حتى ريلي لاحظ ويقول اني انا اكبر المواضيع والله تعبت نفسيتي واايد ..
خاواتي انا ابا نصيحتكن .. بس لو سمحتن بدوون ردود تجرح ..
———————————————————————————
ردج في موضوع منو رقدت بالميك أب ليلة عرسها لفت انتباهي شوي..مع اني ماعرفج.. بس قلت..هاذي ليش وايد تتدلع و شايفه عمرها حلوة و نحن اصلا ما شفناها و تذكر هالشي..اقصد المفروض انج واثقة من جمالج..بس انتي تذكرينه بتفاصيل! وااايد استغربت..
الدلع الزايد مرات يكون ماصخ..في رياييل يتقبلون..و في رياييل لا..
مثلا (متال عام و لا اقصد التجريح) ما أتخيل وحدة متينة اتم تتدلع و تتحيس…ما أحبببب هالشي
أو وحده اتم تذكر مفاتنها اونها حلوة! خلي الناس تقول مب هي تقول عن عمرها!!
بعدين انا عندي احساس ان حياتج وايد ريلاكس..ما عندج دوام او بزنس او شي يشغلج..او هواية تاخذ وقتج..
حلو مرات تكونين رومانسية بس مرات عفوية و مرات عملية و مرات تنكتين و مرات قوية…غامضة و بسيطة
بس من اسلوبج انج تبالغين
نحن كنا بيت اهالينا دلوعين وما يردنا شي بس الحياه الزوجيه تعلم وااايد وتغير ؟؟؟
انا دوم امي كانت تقول ل ريلي تحملها دلووووووعه ؟؟
بس هو كان يقول عاااقله ودلوعه يركب
والحمد الله والله واااااااااايد تغيرت
انتي بعد غيري
لا تستوين حساسه ؟؟؟ وتبالغين بالامور الرياييل يحبون الدلع ووحده اتكون رزينه وعاقله .. وصارمه بعض الاحيان
………
وما كان في شي يزعل اساس ا بالموضووووووووووووووووع
الحياة الزوجيه مزيج من الجد و الزعل و العنف و الفرحه و الدمووووووووووووووووع
ربي يقويح و يحفظكم لبعض
خفي دلعج ^_^