بنات لاحظت شي ..ترا انا ااداوم بس لاحظت شي غريب
انا من النوع اللي احب اصادق بنات الدوام ..
فانا رابعت تقريبااااا 8 زميلاات
قبل كانت سوالفنا جدا سطحية ..وكنت وايد مرتاااحة لهم
بس بين فترة من هالـ 8 زميلات ..4 كانوا وايد قرااب مني …وانا كنت اخبرهم بكل شي اللي يصير وياي في القسم ..واللي خلاني ارتاح اكثر انهم من اقسام الثانية غير عن قسمي
بس اكتشفت شي مب حلو ..كل ما ارابع وحدة في الدوام اكتشف بعد فترة انها تنقل كلامي حق غيرها …وانا من طبعي وحدة غامضة جدام الرياييل ..بس اكتشف ان فجآة واحد قام يعرفني عدل …!!! يوم خبرت ربيعتي بالسالفة انه هالشخص يعرف كل شي عني مع اني ولا مرة كلمته ..جان تقولي انا خبرته !!!! وانا جنه حد صاب ماي بارد علي قلتلها انتي كيف تخبرينه جان تقول هو يصير ولد عمتي وانا ما اخش شي عنه !!!
يعني مب على حسابي ومب سوالف خلصت عسب ييلسون يتكلمون عني !!!
مب بس هذي..كل ما رابعت وحدة اشوف انه كلامي يوووصل لحد غيري ، ليش جي عاد .وانا صراااحة لو وحدة تكلمت عن الثانية جدامي خسسي اني اخبر حد …بكتم هالشي بيني وبين نفسي
ما توقعت اني بمر بهالموقف ..شو فايدة وحدة تكون غامضة في الدوام واخرتها الكل يعرف عنها كل شي من الالف لين الياء ..ولا بصراحه هزلت الشباب قاموا يعرفون كل شي عني …
وبنفس الوقت انا ما احب اكون انطوائية ..بس ما دري اذا لا هذا ولا ذاك ما عرف شو السوالف اللي لازم اتكلم وياهم اذا كان عندنا بريك او شي!!!
خلج يا الغلا سطحية معاهم لان الدوام ما بيكون يوم ويومين
ولازم تكونين مرتاحه علشان تقدرين تعطين وتنجزين
حاولي تعودين عمرج والله يوفقج
خلي سوالفج عاديه جدا .. والا لو صار تتش بينج وبين وحده عاد بيستوي نشر الغسيل على اصوله
هذه هي سوالف الحريم بالدوامات عافان الله نشر غسيل ,. وعيب عليهم ينقلون السوالف الي تكون بينكم للشباب صدق مايستحون ..
المشاركة الأصلية كتبت بواسطة جنـه الــورد 
خلي سوالفج عاديه جدا .. والا لو صار تتش بينج وبين وحده عاد بيستوي نشر الغسيل على اصوله
هذه هي سوالف الحريم بالدوامات عافان الله نشر غسيل ,. وعيب عليهم ينقلون السوالف الي تكون بينكم للشباب صدق مايستحون ..
اوويه انزين انا وايد كنت اتكلم عن مسؤوووولي شو اسوي الحين ؟
المشاركة الأصلية كتبت بواسطة بنت الوصل لا تستبعدين ان الكلام وصله من البنات او الشباب الي يوصل لهم الكلام
لا ترمسين عنه ابد .. لو مب عايبنج شي نفس ما قلتلج سيري كلميه قبل لا ياخذ فكره شينه عنج لو وصلت له رمسه وبياثر على تقييمج .. خلج بشغلج بس وحاولي تبينين لمسؤولج انج قد الشغل واكثر بحيث يكون راضي عن شغلج ..