ماعرف من وين ابدا .. احس افكاري متلخبطه ..
انا كأي بنت من البنات ! عمري 20 سنه !
و ك بنت جامعيه ! احب ارتبش واسولف واطلع ويا ربعي، ويوم ايلس ف قروب احشرهم بالسوالف والظحك ! وبالنسبه للدراسه !! الغياب نااااااااااقع ! و80% من الواجبات طااف وما اذاكر ولا اهتم للعلم انا شاطره كنت فالمدرسه تخرجت بنسبه 87.8 الحمدلله ! ولو ابى بدرس .. لكن البيئه تأثر ربعي شطار بس مهملين !
مرت بي ظروف .. علمتني ان ربعي اللي حواليني ! 90% ربع السوالف والظحك .. مب ربع الشده والحزن .. بس الحمدلله عندي ربع بمعنى الربع لكن مب فالجامعه مثل مبروكين اللي ويانا فالمنتدى والنعم فيها من اخت وربيعه .. بس لحظة موضوعي الحينه مب عن ربعي لكن!
مرت بي ظروف اخري خلتني اتقرب من ربي اكثر .. لأن فعلا محد ينفعني غير ربي و قربه !
قريت عن سوره البقره والاستغفار حاولت كل يوم اختم سوره البقره وفعلا قدرت فالبدايه كانت صعبه شوي لانها طويله لكن مع الايام كانت تزداد سهوله ..
لو اني ما اختمها كل يوم مجرد قرايتي للقران تيب لي الراحه !! انا قبل ما كنت اقراها حتى ايام الجمعه !! يمكن كل 4 شهور مره !! استغفر الله كيف حرمت عمري من هالراحه !!
بنات ابى ألزم ع هالشي .. ابى اكسب رضا ربي ! ابى طاعته سبحانه وتعالى !
حتى فالجامعه عشان اكون بعيده عن سوالف الحش وطاعوا هاييي وطاعوا هااييج قمت ايلس فوق فالمكتبه روحي .. من اخلص كلاسي الصبح اسير المكتبه ادش غرفه خاصه حق المذاكره واحط قران او ابدا اقرى سوره البقره وادش منتدانا .. انا ما انكر للمنتدى فضل كبير على تشجعيي ! مواضيع البنات وقسم الفتاة المسلمه ! ما قصروا الخوات … بحكم انه بريكي طويل من 10 لين 2 اتم ساعتين فالمكتبه والساعه 12 انزل تحت اسلم على ربعي وايلس وياهم شي وانش عقب اسير اصلي وادش كلاساتي من 2 لين 4 ..
بنات انا ما كنت اصلي فالجامعه ! كنت اقول ما فيه اعق عباتيي بحكم اني ما اروم ارفع الكم ! واتمسح وحاله خل ارد البيت اصلي !! 3 سنين انا فالجامعه استغفر الله ما اصلي والجامعه مب مقصره في كل قسم مسيد !! استغفر الله يارب سامحني !
بس من بديت اقرى سوره البقره احس ريولي هي روحها توديني للمسيد !! الحمدلله
انا افكاري متشتته … ابى ألزم هالشي ابى اكون شخصيه غير عن اللي كنت عليها ..
ابى رضا ربي ابى اكون انسانه ناجحه فالجامعه استغل الوقت فالدراسه او قراءه القران والكتب فالمكتبه وما اطوف الكلاسات .. ابى الزم الاستغفار مع اني وايد انسى استغفر كل يوم واتمنى اداوم علي يوميا !!
ابى حد يقولي انتي صح ويشجعني اكثر !! واتم امشي ع درب الصح .. درب الطاعه !!
ابى حياتي تتغير للاحسن ..
((ربي اغسل قلبي من شهوات الدنيا وملذاتها))
((اللهم اني اعوذ بك من فتن الدنيا))
واستمري عشان توصلي للقمة
الله يثبتج على طاعته ودينه
….
^^
..
موففففففففففففففففقة يا الغالية
حلو إن الواحد يعترف إنه قصر في حق ربه طول هالسنين .. بس الأحلى
إنج عرفتي الطريج الصح .. عرفتي شو اللي بينفعج باجر
استمري يالغاليه على ما إنتي عليه
واذا قدرتي تغيرين ربعج للأحسن بعد بتكونين وااااااايد مأجورة ..
اذا حسيتي إنهم ما يبون هالشي .. فألافضل إنج ما تقطعينهم بس سوي مثل ما تسوينه الحين
تقعدين في المكتب .. تقرين قرآن شوي … تستغفرين شوي ..
تدخلين النتي شوي
ترى راحة العبد في طاعة الله
بارك الله فيج يالغاليه وأهنيج ع تغيرج الأكثر من روعة
واستمري وامشي واللى تسوينه 100 % صح
حتى لو قالوا عنج تغيرتي .. ردي عليهم إنج تغيريتي للأفضل
وصلاتج حافظي عليها ..
ومن تاب تاب الله عليه .. عوضيه عمرج عن الايام اللى راحت ^_^
وهذا دليل على حب الله لج اختي … وكل اللي اتسوينه صح والله اني واااايد اعجبت فيج …
الله يثبتج على الطريج الصحيح وحطي فبالج ان باب التوبه مفتوح وبتشوفين كيف الله بيباركلج فرزقج -وقتج .. ودوووم اتذكري ان (( من ترك شيئا لله عوضه الله خيرا ))..
وبالتوفييييييييييييييييق
يزاج الله خير حبييبتي وما قصرتي .. و ان شاء الله اواظب على هالأدعيه
مشكوره يا اختيه .. ولج بالمثل ان شاء الله والله يثبتنا جميعن على طاعته