مرحبا بنات ..انا دوم اقرأ مشاكل البنات و دوم ادعي لهم الله يفرج كربتهم …و حبيت تشاركوني مشكلتي ..انا مالجة من ولد عمي و طبعا من انا صغيرة الناس تقول انا لولد عمي و هو لي ..و تم هذا ااحساس موجود فينا لين تيسرت امورنا..بس انتو تعرفون انه قبل الزواج لازم نسوي فحووص و اكتشفنا في الفحص انه انا و هو حاملين لمرض وراثي يمكن يأثر في عيالي بنسبة 25% يعني من كل 4 اطفال احتمال اجيب ولد مصاب بالمرض (الثلاسيمسا) بنسبة 25%. انا كنت مترددة في الزواج و في نفس الوقت اريد اكون زوجه لولد عمي و قلت اذا جت من ولد عمي انه ما يباني برضى لامر .لاكن هو تمسك فيني و قال كل شي بيد الله…وحتى اهله و اهلي ما اهتمو للموضوع و قالو هذا كل من عند الله .. انا احب ولد عمي واااايد و هو بعد يحبني الحمد لله..و بدينا خلاص في ترتيبات العرس و كل شي جاهز ..انا بس خايفة من ناحية الاولاد و كل يوم افكر في كلام الدكتور ..احيانا اقول مش لازم اجيب اولاد المهم اني اكمل حياتي مع لانسان الي احبه ..بس زوجي يحب الاولاد و يموت عليهم و هو من الحين خلاص يزقرني بأم فلاااان .و انا احس اذا ما خذيت ولد عمي ما اعتقد اني برضى اخذ غيره .بنات لاتلوموني اني كملت موضوع زواجي بس .الي عندها خلفية في موضوعي تفيدني جزاها الله الف خير و في امكانية اني اعالج قبل لااحمل يعني اخذ ادوية قبل الحمل ..اسفة طولت عليكم بس لاني ادري انكم ما تقصرووون ..و تذكرو اي معلومة و لو كانت صغيرة تفيدني و لا تنسوني من دعواتكم ..
الله يصبرج الغاليه لازم تقررين ما عرف شو اقولج بس هم قالوا 25 % يعني احتمال مب اكيد وصلي استخاره بعد
بالتوفيق حبيبتي
بالتوفيق حبيبتي
=(
الله يعيينكم واللهـ تعرفين عاد هالمرض مب هين
الله يعنيـ‘ـج يا ختيــ‘ـه..~
ترا كـ‘ـل شي ابيـ‘ـد ربـ‘ـج..~
و الله كريـ‘ـــم..~
لا اتميـ‘ـ تخافيـ‘ـن حبيبتـ‘ـي ^_^
كل شي بيد رب العالمين…. رب العالمين يرزقج بالذريه الصالحه ….
كل شي بيد الله صحيح
بس حرام باجر ييج ولد يعاني طول عمره عشان يوم من الايام ماقدرتي تختارين ريل غير ابوه !
25% مب شوي واثنيناتكم حاملين نفس النسبه
بس حرام باجر ييج ولد يعاني طول عمره عشان يوم من الايام ماقدرتي تختارين ريل غير ابوه !
25% مب شوي واثنيناتكم حاملين نفس النسبه
اذا تزوجتي الله يوفقج
واذا لا الله يعوضج
بس الوحده قلبها يعورها ان يي جيل مريض !
انا بنت عمي فيها مرض متوراث من العايله ابوها وامها عيال عم مايخلى هالزواج الا في نادر من الامراض
والثلاسيميا مب شويه الولد يبدل دمه فتره لفتره !
اقري عن المرض وادرسي حالة احتمال الانجاب
وسوي الي عليج اذا شي طريقه تخفيف من احتمال انجاب طفل يحمل المرض
وبالاخير على كل الحال الله يبعد عنكم الامراض وتكون الاقدار طيبه
اختى توكلى على اللة كل شى بارادة اللة سبحانة وتعالى وهى امور غيبة ما تعلمين فيها انا ووزجى من عايلة مختلفة بعيدة عن بعض وجبت اولادى فيهم سلاثيميا والحمد للة من النوع الخفيف ولا تحاتين خلية هى الامور الغيبية بيد اللة