ابي اكتب لكم قصتي عشان تكون عبرة لغيري
البنت لما يكون عندها عرس وخلاص قبل العرس بفترة تجهز فستانها وماترضى الا ب احلى و اجمل واغلى فستان في المحل
واحسن صالون في البلاد و احسن خبيرة تجميل و اغلى مكياج وتسريحه بس عشان تطلع حلوة في العرس
مااقول انكم ما تتجملون وما تهتمون بهالامور خاصة مثلا اذا عرس اختج او اخوج بس مب تبالغون شراتي
انا بنت لااني مااطلع واايد من البيت يعني اكثر الناس ماتعرف شكلي من الاقارب
عرس اخوي اخترت احلى احلى فستان كل من شافه يفتحون عيونهم من روعة الفستان كل من شافني ليلة العرس لازم هالاسئلة من وين فستانج؟ وين مسوية مكياجج ؟وهلاسئلة و مااسمع من اي حد كلمة ماشاء الله
يا خواتي العين حق ممكن يقولون ماشاء الله بس مب من القلب و ماعندهم نية قبل ماتروحين اي مكان قبل ماتطلعين من البيت اقرئي على عمرج
كنت لابسة سوارة وايد كانت حلوة عيبتني وايد و كل البنات يسالون من وين شارية
انكسرت نفس الايد الي لبست عليها السوارة
لاني و متعوده احط ميك اب واايد ولما حطيت في العرس مع رسمة العين و الميك اب صارت عيوني بارزة وحلوة وااايد تصدقون ان الحين مسويين خياطة من الحاجب كله لين فوق عيوني
المهم يا بنات بس حبيت اذكركم ان لا تنسين قبل ماتطلعين من البيت او تروحين لعرس تقرين ع عمرج وتقرين قران عشان ربي يحفظج
مبالغتي في اظهار جمالي في العرس والنتيجه حادث عقب اسبوعين من العرس و كل ها من شو من العين من الحسد
اتمنى انكم استفدتو من موضوعي و شكرا
معاج حق وتسلمين عالتنبيه حبيبتي
المفروض نقول مثل ما علمنا الرسول صلى الله عليه وسلم : (( إِذَا رَأَى أَحَدُكُمْ مِنْ أَخِيهِ أَوْ مِنْ نَفْسِهِ أَوْ مِنْ مَالِهِ مَا يُعْجِبُهُ فَلْيُبَرِّكْهُ فَإِنَّ الْعَيْنَ حَقٌّ ))
يعني قولوا ماشاء الله تبارك الله او الله يبارك فيها
ربي يعافينا ويعافيج وجميع المسلمين من كل شر امين
ما تشوفين شر
وصح انا مجربه العين
بس مرات الواحد ينسه للاسف
مشكورهـ عالنصيحه
وسلاامتج