وماجربيتها في الاطفال وانصدمت منها في الاطفال لانها مالها بارض وصح ان عيالي نظاف واكلهم جاهز .. الخ بس ماتعرف كيف تكسب قلوبهم او تلعب معاهم عشان جذيه قلت بيب وحده حق الاطفال
واساسا ماودي اتنازل عنها الا ان زوجي ضاغط علي وقالي ماشي بشكارتين وقلت له خلها عشان نحن بنتحول في بيتنا اليديد بعد اشهر وماوافق والسبه انه في بيت اهل ريلي وااايد بشاكير وما بيخليها جذيه لا شغلة ولا مشغلة وحتى امي ما تحب تجمع البشاكير في البيت
لانها بصراحة تنظيفها لا يعلى عليه والتلميع تخلي البيت يلق من النظافة والحمامات وحتى الطبخ ما شاء الله عليها احلى شي اتسويه البرياني ومجبوس دجاج لذيذ وبشهادة الجميع وتسوي اشياء وايدة رقاق خمير فطاير .. الخ
مثل ما قلت للخوات ماودي اتنازل وكان في بالي تخطيط انه اخليها حق التنظيف والكوي في بيتي الجديد وانا بكفل وحدة ثانية الا انه زوجي راافض الفكرة نهائيا بسبة كثرة البشكاير في بيت اهله.
خواتي فعلا اكتشفت انها ماتحب اتجابل اليهال وتقعد حذالهم وانما تحب تدور اي شي تنظفه وتحب تنظف وترتب وتخم لانها شخصية حركية جدا ماتحب اتخلينها مكان واحد .. حللة شخصيتها حركية وتحب شغلها يكون تنظيف وترتيب وطبخ
وانا فاتحيتها في الموضوع اني بنقل كفالتها واهيه فرحانة عشان تبغي مكان كله تنظف وترتب فيه وانا ماعندي غير الاطفال وغرفتي وبصراحة غرفتي وحمامي تكرمون يلمع من النظافة وانا بروحي اقولها ليش تنظفين على المكان نظيف ولكنها اتقول لااا ماما لازم انظفة مرة ثانية وااااايد تركز في التنظيف وياريتها اتركز في مشاعر الاطفال .. اهم شي عندها الغرف والبيت والاكل ..
خواتي انا نسيت نفسي ويلست اشتكيلكم الحال ونسيت سالفة الموضوع
عشان جذيه خواتي بتنازل
فاذا تبغون تقيمي
التنظيف 90%
الطبخ 80 % بالنسبة لي عادل ولكن الاهل يحبون اكلها بس انا احس احلى شي اتسويه برياني ومجبوس ورقاق واساسا اهيه اتعرف وااايد طرق وانواع من الخبز
تربية الاطفال والمسنات 10 % ومن الحين اقول ماانصح اي وحده تاخذها عشان الياهل او حق العيايز
انا دفعت 7000 وللتنازل 5000 واهيه كملت عندي سنة وباقيلها سنة وشهرين ولا تتحرون انها بترجع واذا احترمتوها وعاملتوها بالطيب عادي اتم عندكم ست سنوات لانها ما تحب اتروح اندونيسيا واذا راحت بترجع لكم
انا اقولكم الي في خاطرها
طبعا نقل الكفالة عليكم
عمرها 31 اشتغلت في السعودية سنتين – الفجيرة سنتين – عندنا ثلاث والى الان
الي تبغيها راسلوني على الخاص