خواتي ابااكن اتساعدني . . انا ادرس ف الكليه وعندي work placement بنااات والله
المكان لي اداااوم فيه كل شي فوق راسي من اول يوم ماتحمل جي ع الاقل مبدئيا شوي شوي
Step by step الصراااحه اوفر يعني محد يعلمني الشغل ثاني شي مول ماعرف حد اهناك
وحطي الاوراق ف الفايلات وجي وايد فايلات شو يعرفني اي فايل ولا اي ملف رابع شي
التحويلات ماقدر يسألوني ماعرف يعني اشغال وجي ابد صح اني احول يوم يبون فلان ولا فلانه
بس اذاا اشيا ثانيه ماشي . .
فوق هااا عندي مشكلة المواصلات ها اول شي ثاني شي ماعندي حد يوديني الصبح
نفسيتي خلاص يا بنات لو اجوفن Down مالي خاطر حق شي مع انه تدريبي ف وظيفه سكرتيره ف
شركة . . وباجر ناوية ما أداوم . .
خواتي شو رايكن شورن عليه اليوم يت المينتور لي هيه المسؤولة وخبرتها قالت بجوف مسؤولتي
ف الدوااام وكلمنااها ويلست انا ويا مسؤولتي ف الدواام وكلمتها بكل صراحه . . ياني احباط
اول شي لو اباا انقل ماروم انقل الفرع
ثاني شي لو خذيته فالصيف ماعرف كيف . .
ثالث شي واهم شي نفسيتي ماتتقبل الدوااام ابد خواتي كل يوم تعب ف تعب حتا رقاد واكل ماكل
المكان بعيد عن بيتنا يعني يبالي . . وانا الصراحه مابا اتأخر . .
بنات الحين شو اسوي =( حالتي حاله لدرجة انه اليوم ماقدرت امسك روحي ودمعت عيني
جدام مسؤولتي . . انا مابا اداوم اهناك ابااا ع الاقل ف الكليه . . تتوقعون السوبر فايزر اهناك
بتوافق وتنقلني مع انه تدريبي بداا من امس . . وانا ابد هب مرتاحه ف هالدوااام
،
،
ادري طولت عليكن بس والله محتايه دعواتكن انه اداوم ف مكان غير هاا او انه توافق ع الصيف
نصايحكن خواتي . . لاحد يقول لي تمي لانه ادري لو تميت خلاص ماقدر بنفجر عليهم
حطن اعماااركن مكاني وجوفوو كيف . .
دعوااتكن لي . .
نصيحتي لج تمي لج اسبوع على الاقل و خلاف قرري..؟؟.. و حبي الدوام عسب يحبج ههههههه
اول شي يمدن اتعرفج ع ثنتين من البنات وين الباقي .
مايراااوونج الشغل بس يفرونه عليج ويقولولج انتي حطي وسوي ودقي . .
شو الفايده من هالدوااام لي جي . . !!
وبعد سكرتاااريااا هب شويه ضغط ينفجر الراس منه
المشكله الاساسيه انه هب مرتاحه ولا حد بيوصلني كل يوم . . =(
؟؟اذا جيه الله يعينج الغالية 
لن الاوفيس صح سهل بس الشغل كبير
وعلى حسب المكان الي بيحطونج فيه ..
واصبري فديتج ..~واذا ماعجبج المكان من الاحسن تغيرينه
ويااااااااارب يتغير وخبري السوبرفايزر انه تغيره لج …وخبريها بالظروفج ..~^.^
مووفقةي ا اغلا
والله بجوف شو بتقول السوبر فايزر + بخبرهاا بظروفي وان شاءالله تتفهم هالشي
مبدئيااا المينتور لي ف الكليه خبرتهااا وقالتلي بنجوف شو بتسوي مسؤولتج ف الدوااام ع اساسه بنخبر
السوبر فايزر عقب وان شاءالله توافق تنقلني . .
اصبري و حاولي تفهمين الشغل خطوه بخطوه مب عيب انج تغلطين فـ الشغل و مب عيب انج تحسين
عمرج ضايعه لازم يستويبج جي هالامور جدا عاديه وانا صار لي هالموقف من قبل بس ما شليت
قشاري و قلت هب سايره خلاص اصبري لان لو عاندتي وغبتي يمكن الكليه ما تتفهم موقفج و ترسبج فـ التدريب
و بتضيعين على عمرج و فكري ان ما باقي على تخرجج الا كم شهر..
و انتي قلتي ان المكان بعيد لو قلتي للكليه هالعذر ما بيتقبلونه لان من البدايه هم عاطينج الخيار وين تبين تشتغلين
يعني لازم كنتي تفكرين بمكان قريب منج و بنفس الوقت مكان مناسب للتدريب يعني ببساطه
بيحملونج انتي الغلط فـ عزيزتي لا اتمين تفكرين بسلبيه و داومي عادي و لا تعطين انطباع مب حلو عنج و التدريب
ما مر عليه غير يومين..
انا نصحتج وانتي على راحتج..
موفقه
انااا قبل كل شي مختاره المكان لي ابااه وقريب من البيت اوكيه هم يوو وفروني بعيد ف الفرع ؟؟؟ انزين دام
انه كل وحده مختاره المكان ليش مايحطونها ويحطونهم هم ع كيفهم !!!!
مشكلتي الحين المواصلات عادي بضغط ع روحي بس اخر شي بنفجر فيهم ماقدر . . ونفسيتي ماتتحمل الدواام
=(