.gif "12 (5)")
مساء الخير الغوالي
اشحالكن ؟
كل وحد تقول شو تسوي قبل ماتشيل الابط والمنطقه الحساسه وبعد ماتشيلهم كيف تعتنين فيها
ثاااااااااااااااااااانكس
اهم شي الواحد يهتم بهالمناطق
مب مثل الاغلب كله بس الوجه والريول والايدين
المهم الغاليه
عني انا اشيل منطقه الابط بالشمع الشرقي عند كل حاجه للشيل
وقبل ما شيلهم ممكن اسوي صنفره قبلها بيوم اول بالليل والصبح اشيله
عقب الشيل ما اسوي شي اخليه يتهوى يوم كامل ما استخدم مزيلات ولا شي واذا في شي احمرار استخدم فوسيدين او اي مرهم للحرار
ومزيل العرق ما استخدم غير خلطة(بودرة النشا ويا كربونات الصودا ويافازلين ويا مسك العروسه )وايد مرتاحه عليه
اما اذا في عرس ولا عزيمه استخدم روكسونا ونوع يحبس العرق علشان ما يبن بقع عرق وجي
اما المنطقه الحساسه اشيل المنطقه الفوقيه بالشمع و(التحتيه بالموس حسب السنه )
وهم بعد اسويلها صنفره وومكن احلقها حلاقه جافه او باي رغوة صابون او ببراون للمنطقه الحساسه
بشكل اسبوعي ولا كل ارب ايام ع حسب اهم شي النظافه
واجرب خلطات التفيتح
ومنها خلطه موضي الدسمه وايد عجبتني بس يبلها اجازه مايبيلها دوام
وهم بعد افكر اخذ كورس علاج من العياده من عند دكتوره متخصصه تسوي لي خلطه تفتيح مدة شهرين
او ممكن استخدم الفيد اوت واجربه
اهم شي ادور اللي يناسبني كطبيعة بشرتي ……………….وصبووووووووووووووره مابي نتايج سريعه بعدين تدمر بشرتي
وفي الحقيقه حسب معلوماتي يقولون ان البشره لذي المنطقه لازم او في الاغلب يكون لونها غير لون باقي الجسم يختلف بنسبه بسيطه
خلقة ربي ولله الحمد
ربي يهنيج يالغلا
الغلااا رقه عيبتني الصراحه بكلامها =) وانا وياها ف هالشي
موفقه
قبل لشيل الشعر تقشرينه بزيت زيتون وسكر قبلها بليله
عقب شليه سواءا بحلاوه او ملققط
وبعدها استخدم ثلج ونشااا عشان اسكر مسامات
لازم بعدها تبعدون عن اي معطر او مزيل عرق كم يوم
جلسرين سائل + ليمون = تفتيح ومزيل لرائحه العرق ^^<<< روعه
فوقه حطوا نشاا براحتكم يعني احب احط نشا على الباط ^^
جربيهاا بتلاحظين انه العرق بدون ريحه سبحان الله او لو عرقتي بتحسين انه العرق ريحته اخف عن قبل عاد كل وحده وطبيعتهااا فالتعرق
بس صدج غير هالخلطه ^^ انصحكم فيها من غير التفتيح الملحوظ ^^
صح
بالتوفيق
