النساء روح المسا والليل لو فكر يبات.. كان ما فيه أغنيات.. وكان ماله ذكريات
وكان مافينا عظيم وما لأمانينا حليف .. وما بنا قلب وليف .. ولا لنا قصد شريف
النساء نصف الحياة إلا النساء كل الحياة .. آه يا أسرار الخوات .. آه يا أحلام البنات
آه يا الطيش الطفولي آه يالحزن الشفيف .. آه ياالعشق العفيف .. آه يالجنس اللطيف
علمن حتى المرايا والشبابيك اللغات .. والرسايل والدواة .. صارت أعذب مفردات
كم بكن وانكف مبصر وضحكن وابصر كفيف وارمشن واهتز سيف وهمسن وامتد ريف
كم غدن لأخوانهن عزوة صناديد عصاة .. بين صفق المرهفات .. وبين ضبح العاديات
طاحت اشناب وكراسي وانطلق دمع ونزيف .. واعتلى الخف المنيف .. والمقابر تستضيف
النساء ضلع عوج لولاه كل العدل مات .. مالهن عنا فوات .. ولا لنا عنهن غناة
تبرق الدنيا على يديهن ويغريناالقنيف .. نطمع بتكريم ضيف .. ونوقف بيوم عصيف
النساء موج على بحره منايا وامنيات .. والنساء مركب نجاة .. نسأل الله الثبات
هن لباس وهن فراش وهن معاش وهن رغيف ان فتك جوع مخيف وان حد الرجال حيف
النساء حتى شراب الجنة العذب الفرات .. تحت ماطى الأمهات .. يالهن من مكرمات
كل ماعود من الكد اقبل ابن آدم ضعيف .. له ورى البيبان طيف .. مثل نسناس المصيف
في بلادي يحسبون ان النساء متخلفات .. في المساء مستوطنات .. وفي الضحى مستعمرات
مادروا عن هـــ البيارق شمخ العرض النظيف .. فزعة الدين الحنيف .. شجرة العز الكثيف
غادة وسجادة وكفين وحجاب وصلاة .. من صبايا محصنات .. من عرق طيبات
اطهر من الفين منظر كلها فتنه وزيف .. في رجا الصبح الكسيف .. واجرة الليل السخيف
كم مكان يعرض اعراض آنسات وسيدات .. والهوى له بايعات .. والغلاف وله فتاة
والحسن تشبير عنق وطوا وخصر نحيف .. وشي ماينشاف شيف.. لأجل الأول والوصيف
شهب ثشابه رسوم الشاشة المتحركات .. ما لزمتهن طراة .. ولا لهن ملح وحلاة
لا ربيع فيه خير ولا به إلا بروق صيف.. والشتاء ما به رفيف .. يحيي ارواق الخريف
لي مناحل لي خلايا كلها سكر نبات .. لي حصون ناعمات .. لي غصون شامخات
لي قوارير ملاها العقل والدم الخفيف .. خلفهاالعمر الكليف .. ودونها الحد الرهيف
يازمن وش جاب حلوى غلفوها بالعباة .. جنب حلوى للمشاة .. وللغبار وللشتات
شف بدل ماهي لواحد صارت لجمع لفيف كيف؟ انا اخبرك كيف شوفها فوق الرصيف
واتمنى إنج ترتاحين معانا وتستفيدين
وتسلمين على هذا النقل الرائع
وأنتظر كل يديد منج
دمت بكل ود