محتاره واريد شوركن ..
الحمدلله رب العالمين ربي رزقني بوظيفه تقريبا من 5 شهور تقريباا دوامي من 8 لين 4 العصر صراحه تعب هلاك في قطاع خاص الله والراتب عااد ..بس شو اقول الحمدلله
المشكله ارجع العصر هلكااااانه خلاص ما اقدر اجابل ريلي والا بنتي يالله يالله اتغدى يادوب وشوي انسدح ويالله اوقف لبنتي شوي واروح اسوي عشاء ويخطف الوقت …ريلي احياانا ايكون دوامه اسبوع دوام واسبوع اجازه فيوم انا ادوام اهوه يرقد لين الظهر تقريبااا انا عاد ايي منهده مالي بارض له معصبه ومضايجه لاني ما ايلس وياه في الليل ارقد من وقت لانه وراي غبشه ومرات ما يتغدى اتلوم فيه ..والله حتى هو بصراحه يظهر وجيه ما بيرمس اعرف وهو يباها من الله يعني عادي لو باجر اقوله ليش ما تيلس وياي وجيه ايقولي اناا بيلس في البيت بس انت تعبانه وترقدين من وقت وجيه .. ايام الويك اند اليمعه بنش بنتغدى وجيه بيرقد اهوه خلاف عادي يظهر والا بيسير بيت اهله والا بيسير عند ربعه والا بيسير الصاله …والله الدوام وايد متعب اناا وايد كرهت الدوام ما اباه والله ايلس اصييح كل ليله احس عمري مضغوطه وهلكانه واسترس واايد علي حتى والله مب مواحيه اسير مكاان والا اسوي شي افكر اني اودر الشغل اريد ارد اجابل بيتي ….. شو رايكن ؟؟؟
المشاركة الأصلية كتبت بواسطة ام شوق وعزوز 
هيييه والله وايد هلاك والله ويلسه ع مكتب من 8 لين 4 لااا ولو تبين ساعه اجازه لو الموت ماشي اترومين اتموتين عاادي …
مرورج اسعدني … تسلمين الغاليه
المشاركة الأصلية كتبت بواسطة ندى الاماراتية اهوه عليه ديون بس الحمدلله اوكي عيشتنا ربي لك الحمد..واايد ادور فكره اني اودر الشغل وايد من اسبوع وانا ارقد وانا اصيح ايلس اصيح ارمس اي حد اصيح ..ضيجه في فوادي وقلبي
افكر اصلي استخاره واجوف والله
تسلمين اختي ع مرورج الطيب وربي ايفكج من دينج يارب…
وناسة لو ريلي اسبوع اجازة كل اسبوع بنحوط في مكاااان و خصوصا بنتج للحين صغيرة مامقيتنج في مدارس
اسير مكاان والا اسوي شي افكر اني اودر الشغل اريد ارد اجابل بيتي ….. شو رايكن ؟؟؟
اذا تحسين الراتب الي تستلميينه مغير شي فحياااتج وملبي طلبااات وايد تحتاااجينها وتحسين ان ريلج مابيعطيج نفس الجيمه
بعدين ريلج هب طووول الوقت عندج
وحلووو الشوق فالحياه الزوجيه وحلوه العبشه يوم مرات ماتكونين جدام الريل 24 ساعه تخف النجره ويزيد الشوق
عن تجربة فديييتج وانتي ادرى بالمجااابل 24 ساعه يدخل الروتين والبروود والتشبع العاطفي خاصه اذا مايطلع من البيت
عادي تمي بس ..
نسقي وقتج نفسي
شوفي تردين 4 حاااولي اذا نااامت بنتج بدري
تريحين نفسي
انا ريلي يقعد فالخيمه لين وحدة وانا ماااحب نووم الظهر لان تيني كواابس وصداع منه
فولديه يرقد 7 او 8 وانا انااام 9 لين 12 … انش قبل لايرد ريلي وادخن وادلع واقعد معااه لين 2 وانااام ..وانش 6 عادي اصلي واوعيه واوعي ولدي . واداااوم 7 ونص وارد 3 البيت ..
الحرمه الي عندها وظيفه تلبي طلباااتها يكون عندها كيان