ايامي الصعبه فالرجيم 2024.

انا عضوه يديده بغيت اخبركم عن معاناتي ويا السمنه والرجيم ولين اليوم اعاني

كل ما احقق اللى اباه خربه بيدي بغيت حد منكن يفهمني او يخبرني عن هالشعور اللى فيني

يخلني دووم مضايجه ولا لي خاطر حق شي ومن اكل اييني ضيج فصدري واقول فخاطري ليش كلت

المهم قصتي جي :

انا خلصت الثانويه وكان وزني 65 وكان جسمي حلو مب ضعيفه بس متناسق صراحه المهم دخلت الكليه كورس واحد بس وكنت مب مرتاحه فيها من كثر افكر اكل بشكل فضيع المهم وصل وزني 73 وانتبهت لوزني ورديت ل67 وحافظت ع هالوزن لين عرست والحمدالله كان ريلي وايد مستانس من جسمي ويحبني مووت المهم كملت 5 شهور وحملت ومن حملت تم يطير وزني ع فوق استغربت ياني احباط ومن كثر افكر وانا حامل كنت اكل بشكل مب طبيعي والله اني كنت اصيح من اشوف وزني وكان ريلي يقولي لا عادي بتردين عقب ماتربين فلا تفكرين وكان وايد صراحه واقف ويايه ..

المهم الطامه الكبرى قبل ما اربي تعرفون كم وصل وزني ……. 95

المهم ربيت يبت بنوته قمر والكل كان محطي فباله توام لانه كان بطني عود

بس ماشاءالله طلعت متربيه فبطني ومن طلعت قلتلها كله بسببج استويت درام المهم مع الوقت وتشجيع ريلي نزل وزني واستوا 83 عقب ماكملت بنتي 9 شهور انصدمت بحملي الثاني المهم حمدت ربي وشكرته ع النعمه وريلي استانس والله تمم عليه ويبت بنوته ثانيه والصدمه وصل وزني هالمره 99

وحاولت انزله بشتى الطرق والله وفجني ونزلت لين 87 بس للاسف ماكملت لاني بعد حملت عقب ماكملت الثانيه 9 شهور بس هالمره من صدمتي بالحمل الثالث تحطمت ولا كنت افكر فحمل ولا فوزن لاني كنت مستهمه من ريلي كان مسافر ويا اخوه علاج ولا حسيت بعمري والله انه طار وزني وصلت 112 وكنت اصيح يوم اشوف وزني اتحسر بس هالتفكير ملعوزني من افكر لازم اكل والحمدالله عقب مارد ريلي ويبت البنوته الثالثه اصريت عليه يوقف ويايه وحليله ماقصر يخلي شغله ويتم ويايه يمشيني لين الحين وصلت 97 بشهرين بس بستمر ان شاءالله لين اوصل 70 وهاي معاناتي

اتمنى من الخوات ينصحني شو اسوي اكثر عشان انزل وزني اكثر