.gif "12 (5)")
مرحبا خواتي الغاليات
من فترة وانا بخاطري اسوي باستا دجاج على طريقة بيتزاهت واليوم دشيت المطبخ وقلت بجرب وبخبص بس تخبيصي طلع رووووووووعة 80% شرات الباستا اللي في بيتزاهت
وهذه صورة الباستا
[IMG]
[/IMG]
والحين نبدا بالطريقة
المقادير:.gif "13 (27)")
انا مسوية كمية تكفي لثلاثة أشخاص
# 4 صدور دجاج مقطعة مكعبات ومنقوع في عصير ليمون + فلفل اسود + فص ثوم مفروم
# 1 باكيت معكرونة ( انا استخدم معكرونة الخليجية الشكل Elbow Large) مسلوق
# علبة فطر طازج مقطعة شرائح
# بصلة متوسطة مقطعة مكعبات + فصين ثوم مفروم
# زيت + مكعب زبدة
# بابريكا + فلفل أسود + ملح + ذرة كركم + اوريجيانو
# نص حزمة بقدونس مفروم
# كريمة ( استخدمت كريمة المراعي العلبة الصغيرة )
# جبن موتزيلا مبشور + جبن بارميزان مبشور حوالي خمس ملاعق كبيرة
# بقسماط
الحين الطريقة:.gif "13 (34)")
نحمر البصل في الزيت في مقلاة كبيرة لين ماتذبل بعدين نضيف صدور الدجاج والثوم المفروم ونقلبى على نار متوسطة لين ما يحمر
بعدين نضيف الفطر ونخليه اشوي ونضيف الملح والفلفل والبابريكا والكركم وربع البقدونس المفروم ونخليه على النار تقريبا 5 دقايق او اكثر حسب يوم اتشوفين انه الفطر استوي خلاص نبند النار
طبعا انكون سالقين المعكرونة ومخلصة
الحين نضيف المعكرونة على الدجاج وتكون النار متوسطة ونحط الكريمة ( انا حطيت ثلاثة ارباع العلبة بس) ونتم نقلب المعكرونة لين ماتتشرب الكريمة اشوي
آخر شي انشيل المقلاة من على النار ونضيف البقدونس المفروم ونقلبه
آخر خطوة نييب صحن بايركس متوسط نحط نصف كمية المعكرونة ونصف مقدار الجبن مع اشوية اوريجيانو بعدين باقي المعكرونة وآخر شي باقي كمية الجبن مع اشوية اوريجيانو + 3 ملاعق كبيرة بقسماط وندخله الفرن حوالي العشر دقايق لين ما يحمر من فوق
وبالعافية
وانشاء الله اكون وضحت الطريقة وفهمتوا علي وأي استفسار انا حاضرة
ملاحظة : اللي حابة تنقل موضوعي ع راحتها بس ياليت تذكر المصدر .gif "12 (96)")
المشاركة الأصلية كتبت بواسطة انسانيه 
تسلمين حبيبتي ويالله انا انتظر تجربتج وخبرينا عن رايج
وانشاء الله يعيبج
المشاركة الأصلية كتبت بواسطة الغلـــــا العفو وتسلمين ع مرورج
ماعليه ماقصرتوا
جاري التطبيق
لذييييييذه بالعافيه شكلي بجربه