شحالكن خواتي؟؟عساكن بخير..
سلمكن الله من كم يوم اتصلو فيني مال التنميه..على اساس حصلولي وظيفه فبوظبي..((فجمعة))يا اما فالشامخه او بني ياس..استانست انهم اتصلوبي عسب الوظيفه..وانا حطيت فبالي جمعيه نسائيه فوسط حريم يعني..مثل جمعة نهضة المرأة الظبيانيه..
جوفو وين راح بالي هههههههههههه..
المهم قالولي اتريي لين يتصلون فيج عسب الوظيفه..قلت لها مشكوره وماتقصرين وربي يعطيج الف عافيه..
بعد فتره اشوف رقم التنميه..مستانسه وفرحانه..يوم رديت..جان اتقولي الحرمه..
الحرمه:منو فلانه؟
انا:هيه الغاليه تفضلي..
الحرمه:الغاليه بغيت اتأكد اذا اشتغلتي ولا بعدج..
انا:لا والله ما اشتغلت..
الحرمه:انزين فديتج الحينه انتي عارفه على شو اتصلوبج وخبروج عن الوظيفه؟؟
انا:انا اللي فهمته فجمعيه بس جمعية شو مادري..
الحرمه بكل ثقه:هيه حبيبتي فجمعيه فبني ياس..
انا:!!!! انزين..
الحرمه:اتعرفين كيف شغلتهم؟
انا:لا والله بغيت آخذ فكره ماعليج امر..
الحرمه:فالكاشير..يعني محاسبه..
انا:!!!!محاسبة يعني كيف؟؟!!!>>>بعدني مب مستوعبه..
الحرمه:يعني يوم اي حد بيشتري ايي ايحاسب عندج فالكاشير..
انا لحظة صمت:…………………
الحرمه:ها شو رايج الغاليه؟؟
انا:بالذمه هاي شغلة مواطنه؟؟
الحرمه:هيه الغااليه الشغل مب عيب..
انا:بس انتي اتشوفينها حلوة اني اوقف فالكاشير جدام العالم وايلس احاسب لهم..لا والوافدين عندهم احسن عن وظيفتي وبعد ما استغرب يكون مسؤولي هندي..وانا حرمه متزوجه!!!
الحرمه:………………بس انتي اذا حابه………
قاطعتها انا:الغاليه خلاص مابغي..بالذمه حرمه مواطنه تشتغل هالوظيفه؟؟!!قلنا الشغل مب عيب ولا حرام..بس مهما كان انا حرمه مواطنه ولي احترامي..مب اي شغله اتليق بمستواي بنت البلاد..
الحرمه:على راحتج الغاليه..بس انا اقوم بوظيفتي بس اشوف الشواغر واتصل فاللي يبغون وظايف..
انا:مشكوره وماقصرتي..
اسمحولي الغاليين..بس حبيت افضفض لكم..
معقوله وصلنا لهالمستوى؟؟
ليش نحن شو ناقصنا عسب انعيش فبلادنا معززين؟؟غيرنا بوظايف كشخه وحلوة وتعالي اسئلي منو صاحب هالوظيفه شو تطلع جنسيته بالضبط..آآآآآآآآآآه الله كريم بس الله كريم..
خالايلس فالبيت احسن بلا وظيفه ولا غيره..ع الاقل ربة بيت لها كيانها واحترامها..
ردي على بعض الخوات:
https://forum.uaewomen.net/showthread…=626585&page=4
صدق الله يعيييييييييييييييينا …~
وان شالله تلقين وظيفه تليق لج يالغلا…
اولاا الشغل مب عيب ,, بس صدقج ولا وحده ترضاها لعمرها بس المحتاي عادي عنده اذا مواطن ولا لاء ,,
و البارحه شفت واحد يشتغل في جمعية الاتحاد عالكاونتر و اقول حق اختي شوفي شكله مواطن و قلت في خاطري يعني ما لقى شغله احسن عن هاي << اكيد هالانسان مجبور و محتاي و انا ما اقلل من قيمة شغله ,, بس لانه نحن قبل مانشوف مواطنين يشتغلون في هالاماكن ,, الله كريم
و انتي قعدي في البيت احسن هععع ,, والله يوفقج ,,^^