بتكلم عن أسعار المكياج الخيالية!!!!!!! 2024.

خلنا نتكلم بصراحه هذا الموضوع امغصصني من زمان صارمكياج العروس مع الشعر (10000) وصدقوني ما يختلف عن مكياج الاسبيشل الا برتوش بسيطة و(بعضهم ) الى نفس الى تحطه للبنت العادية تحطه للعروس بس اتزيد الأضاءة وياريت الى تحط هالاسعار خيالية تحط أساس من الغالي كله بودره مائية سعره ما يتعدى 100 انا صارلي موقف بتكلم عنه كنت احط مكياج لقروب من البنات وكانت وياي وحده مالت الشعر قالتلى انا أنصحك تزيدي بأسعار كل ما كان أغلا البنات الى هني يحبون هالاسعار قالت اهى تحط للعروس مكياج والشعر (7000) وتفكر ترفع أكثر للأسف وايد بنات هم الى شجعوهم على رفع السعار لهدرجه واذا الوحده راعت بالسعر يقولون أكيد مكياجها مب شي وذا غلت قالوا أكيد شغلها حلو صار تفكير بعض البنات سطحي للأسف اسمحولى حبيباتى طولت عليكم بس الصراحه هذا الموضوع زاعجنى من زمان وحبيت أشاركم في واشوف رايكن فيه وهذا رأي الشخصي ما أوجه كلامي لحد معين انا اتكلم بشكل عام واذا فى حد عندها انتقاد لي اتمنى تقوله بدون ما تغلط والموضوع للنقاش وشكرا

كم سعر المكياج اللي تحطينه خليني اجرب عندج

انا عن نفسي ما احب المكياج والشعر الغالي سرت كم عرس حق ناس يقرب ن لنا كنت اسوي الشع والمكياج في الصالون ب٥٠٠ وعاجبني الشغل والسعر

اذا انتي بتفكرون العرس ما تيلسين فيه اكثر من ٥ ساعات والناس اللي بتشوفج ما بتتذكرج عقب شهر كيف كان لبسج ولا مكياجج ليش احط غالي

انا اقولج نفس ما في زباين حق الماكيرات الغاليه شي ناس ما تقدر تدفع غالي وتدور ماكيرات رخيصه

بغير وبجرب عندج

مش بس المكياج
للأسف كلللللل شي سعره غالي = ثقة أكبر بجودته
أغلبنا قمنا نفكر بهالطريقة الا ما رحم ربي, وهالشي أدى الى ارتفاع اثمان الي يسوى والي ما يسوى من المنتجات والخدمات
حبيت الموضوع لانه فعلا يضايق ومنتشر, مكياج لكمن ساعه ممكن يصل 17 الف ليه!

هو حراام والله
انا دفعت على مكياجي وتسريحتي لعرسي بحدود 10000 درهم
والمكياج صح حلو لكن حرام والله
نفسه نفس مكياج امي وخواتي بس رتوش بسيطه زادتها فيني الماكييرا

أصلا لو نحصل وحده تسوي مكياج حلو ومرتب مع تسريحه وبمبلغ معقول والله مانقول لاء
ليش في حريم يخربون على غيرهم؟؟
اذا هن يقدرن يدفعن عالغالي حتى نحن نقدر
لكن لكل شي حدود
عيل الحين اذا بتتمكيجين اسبيشل مع تسريحه بتدفعين 2000 درهم
وهذا وانتي مش عروس
ليش !!!
اذا الماكييرا تحاتي المواصلات أو البترول تحط مثلا 100 درهم
لاتنسى انه المكياج اللي هي تستخدمه لزباينها يكفي فوق 20 زبونه قبل لا تاخذ غيره يديد
وأكثر الماكييرات مثل ماقلتي عزيزتي يستخدمون البودره المائيه كأساس واللي حتى لو زاد سعره ماوصل لـ 150 درهم
وفي ماكييرات يستخدمون أساسات ماركات لكن بعد والله انها اطلع قيمته 10 مرات فوق قيمته الاصليه
واذا عالفرش قسم بالله في فرش صح غاليه لكنها ادووووووووووووم سنين وبنين
الحين كثرت الفرش وشي فرش نوعيه وااايد اووك ومب غاليه واسعارها مقبوله جدددددا
وانا ادري واعرف انه الماكييرا تحتاج لأكثر من مجموعه ..
يا ماكييرات فكروا بالزباين متوسطين الدخل حرام عليكن ..
ماقول غير الله يهديكن ويهدينا معاكن ..
وربي يوفق كل انسان في حياته
والسموحه

اشكر تفاعلكم مع الموضوع

الاسعار تزيد بسبب الزباين او العرايس اللي يتحرون ان كل ما كان غالي المكياج كل ماكان أحلى

مادري كيف تفكريهم ….!!!

الريال يدفع دم قلبه عشاان مهر العروس وهي أخر شي تفر البيزات جي بالهبل ع اشياء ما تستاهل
والله حراام ..
انا بعرسي دفعت 3500 و احس قلبي يعورني عليهم .. يعني جد واايد مبالغين بالاسعاار
ليش ادفع هالمبلغ اللي يوصل جريب 10,000 عشان 3 ساعات اقعد فيه ع الكوشه ؟! ترى مرده بينغسل و بيروح ..
والناس مابيعجبها شي و بتحش و بتتفلسف وووإلخ .. ومحد خسران غير العروس اللي ع بالها لو دفعت اغلى يعني بيعجب الناس ؟؟؟!!

وفروا فلوسكم و اقتصدوا فيها حرااام جي نحن نفر بيزاتناا ع اشياء ما تسسوى ..
يعني ياليت الماكيرات اللي جي اسعارهم غاليه يخافون الله و يحطون اسعار معقوله و مقبووله

الله المستعان

فعلا 10000 مبلغ مبالغ فيه جدا ويوجع القلب مافي احلى من الاسعار المعقولة والمستحضرات الممتازة الي فعلا تستاهل قيمتها وتطلع العروس راضية الزبونة راضية والماكيرة راضية
والي يرضى بالسعر المعقول ربي بيباركله ويزيده والطماعات عافانا الله بيخسرو حب الناس ونص فلوسهم رايحة رادارات ومافيا بركة لانه الزبونة مابيكون طالع المبلغ من خاطرها حتى لو في اتفاق
وعالعموم الله يغنينا بحلاله ويبارك لنا برزقنا وصحتنا وعافيتنا ويبعتلنا زبونات طيبات يرتاحو لشغلنا واسعارنا وتعاملنا وعلى قد نيتنا الطيبة ربي يرزقنا