بتوافقين على واحد اقل عن مستواج الدراسي ؟ محتاره وايد 2024.

السلام عليكم .. خواتي انا من زمان متابعه المنتدى بدون ما اشارك بس الحين سجلت لان عندي موضوع شاغل بالي و ابغي استشيركن
الموضوع هل بتوافقين على واحد اقل عن مستواج الدراسي و وظيفته عادية ؟!
ولا بتحاتين كلام الناس خصوصاً اذا انتي جامعية و حلوة وايد و صغيرة و ألف من يتمناج
و الريال بعد ولد ناس معروفين و خلوق و محترم و وسيم و أهله راهين ما شاء الله مليارديرية و عندهم خير يعني ماعليه قصور من الناحية المادية لكن شهادتة اعدادية وانا جامعية و هو وظيفته عادية يعني ما عنده منصب و مب طموح بس معتمد على اسم ابوه و العايلة لكن يشتغل و ساد عمره و مب ناقصنه شي
مادري الصراحة انا محتاره و انخطبت واايد من قبل بس كل ما يخطبوني ارفض و اتدلع و الحين عمري 20 يعني وصلت السن المناسب للزواج .. احس اني بتم احلم و اتشرط و ارفض لين ما اصك الثلاثين و آخر شي بتندم
و يوم اشوف وحده كبيرة و متشفقه على الزواج و العيال اخاف يكون مصيري شراتها !
انا مب خقاقة والله بس مشكلتي وايد طموحة و ما اقتنع في اي حد و راسمه صورة في خيالي حق فارس احلامي اباها تكون كامله لكن ادري ماشي انسان كامل في هالدنيا..
انا صليت استخارة كم مره و مرتاحة للريال و أهله شاريني فديتهم بس الحين ابا الاستشارة منكم خواتي