بخصوص ردود الخوات القاسيه على الاخت السعوديه بموضوع اريد اتزوج اماراتي 2024.

السلام عليكم

طبعا خواتي موضوع الاخت كان فيه ردود من كل الانواع

انا مع اني كنت مخالفه الاخت و اشوف ان بناتنا اولى بشبابنا و شوي الموضوع يقهر لهذا السبب بس تمنيت لها الخير

انا فكرت لو انا رحت لموقع نسائي سعودي و سويت شرات حركتها شو بتكون ردة فعلهن و هل بلاقي ردود قاسيه مثل ما البنت لقت

و فعلا سويتها

شو تتوقعون ردة فعلهن

الغضب ؟؟؟ غلطن عليه مثل ما بعض البنات سون بالبنت ؟؟؟

و الله اني لقيت العكس

الي تدعي بالخير و الي تقول سيري لموقع زواج متخصص او خطابه و في الي قالت نحن العنوسه مرتفعه عندنا لكن اتمنالج الخير

يعني كل الردود كانت طيبه ما تعدت حدود الادب و الاحترام حتى الي ماعجبتهن فكرة اني اكتب موضوع مثل هذا …

ليش يا بنات الي غلطن على البنت ما تحترمون الغير مثل ما الغير يحترمكن

الحمد الله نحن اهل الامارات محبوبين و ما نرضى اي حد يشوه صورتنا

انا طبعا في الاخير وضحت لهم اني مب جاده بالموضوع و حبيت اشوف ردة فعلهن

صدق ما شاء الله على خواتنا السعوديات ادب و اخلاق و ردودهن كلها فيها احترام و غير هذا خفة دمهن

و الله وحده فطستني ضحك تقول عطينا واحد اماراتي نعطيج 2 سعوديين

…………

انا سويت هالحركه بس عشان أقولكن احترموا الغير مثل ما الغير يحترمونكم

و تذكرن ( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ )

لان للاسف الشديد …اتقبلو التعليق لمره فحياتكم يا مواطنات:

اغلبييييييييه المواطنات هني في المنتدى وفي الحياه بشكل عام همهن الظرابه والحشره واللسان واهمممم شي التعليقات!!! انا اتكلم عن تجربه لاني مستاااااذيه من البنات وتقريبا خلاص ماداني اختلط فيهن مستوتلي مناعه من المواطنات عفانا الله! همهن الوحيد انهن يأذوووون غيرهن ! فهذا اسلوبهن يتبعونه مع كل خلق الله ! وهذا كان سبب ردودهن الهمجيه
فلو المواطنات يغيرن من اسلوبهن بس!

لكن بالمشمش!

هي ياختي مادري ليش هالردود الي ما لها معنى

الواحد ما يوده يترك المنتدى بسبتهن

بس الله يهدي

صراحه انا قريت الموضوع كله من أوله لاخره بس ماحبيت اشارك لانه صج كانت مصخره باستثناء بعض الخوات يزاهم الله خير ..
بس صج حركتج فنانه .. بس فضيحه وفشله الي سونه البنات هني
بس يا اختي هالظاهره انتشرت بشكل كبير في الفتره الاخيره وقبل ماكانت هالسوالف موجوده في هالقسم ولو تلاحظين انه في فئه معينه هي الي تثير المشاكل دائما الله يهديهن
وتسلمين الغاليه

صح البنات بالغوا وغلطوا بس بعد معذورات خاصه ان اغلب شبابنا هالايام

يتزوجون من برع وافدات على اجنبيات على خليجيات وبعدين جوفوا نسبه العنوسه وكل بيت لازم تلقون وحده

مب معرسه …طبيعي الوحده بتغار وماتبغي حد ياخذ ولد بلادها تبغيهم لخواتها والها ولربيعاتها اولى

وانا ما الومهم الغيره شيء طبيعي بالبنات لكن الوم اسلوبهم القاسي جنها يايه تشحت منهن

يعني الواحد يقول الي بخاطره بس با سلووب حلوو وما يجرح

الله يهدي الجميع