يعني توها راضعه و ايلسها و اجشيها .. احطها على طاولة التبديل عادي ما فيها شي .. فجاءة اتحيز بوزها و تصرخ و تصيح صياح هستيري … اتم اشلها و اهديها و اركض فيها ما تسكت اتزيد و اتزيد ….لدرجة انا انهار و اصيح .. تي الخدامة و تشلها عني و اتم اتهديها … و اتم شوي شوي تهدا عقب ارد اعطيها صدري و ايلس في كرسي الرضاعه مال ساعه و نص عشان اتغمض عيونها و من احطها في المنز اتنش فجاءه تباني ارد اشلها
جربت معها المصاصه … كل الانواع مالت nuk pegon dr.browen evant و في نوع ينباع في توزر اص كلها اتكون ربله بعد جربتها
كل ما احطها في حلجها اتهاوع جنها بتغص … و ساعات الحليب …
كل انواع زيوت المساج اسويلها … و في زيت اخضر مال الفلبين يسونه حق اليهال بعد جربته
و اطرافها دوم بارده مع اني ادفيها بقفازات … هيه تعبت علي قبل العيد و اترقدت في طوراى خليفه … كان زكام و كحه و بلغم …. الحين هي احسن
بس ساعات اتصيح اتصيح اترجع حليب و فيه بلغم …
اللي الاحظة انها خوافه .. تنقز من اي حركه سريعه .. لازم اشلها شوي شوي و ابدل ثيابها شوي شوي …
المشكله اني بداوم و مب متصوره اني بخليها 7 ساعات مع الخدامه … ابى على الاقل اعلمها على المصاصه عشان اتم هادية .. هل عندكم حل او طريقه ساعدوني 
بس كيف اخليها تتقبل المصاصة .. شو سبب عدم تقبلها للمصاصه
بس المصاصه مب اي ياهل يتقبلها فيه يهال ابدا ما ياخذونها وفيه يهال عادي
المصاصة تمي عطيها حتى لو تفرها رديها وبتتعود عليها انا كنت شراتج
وعشان البلغم ودنيلها لبان وشربيها
والله يعينج
انا ولدي كان نفس الشي وبصراحه ياب لي الاكتيئاب ومايبي حد صياااح ولا ينام وايد
حاولي ترقيها بين فتره وفتره وسبحيها وحطي زيت زيتون على صدرها وظهرها عسب ماتاخذ برد والبلغم زيت السمسم وايد اوكي
وحاولي تصبرين شو بتسوي خليها عند ماماتج او اي حد ثقه انه بيتحملها
انا ولدي ما يرضع صناعي ولا ياخذ مصاصه بس قمت الهيه باصوات القران والتلفزيون والميرحانه مات اليهال يسكت شوي تقريبا هدا لما كمل السنه وبعده تييله هالحالات من قمت اخليه عند ابوه لانه عقب بيتلزج فيني وربي يوفقج وييسر لج