شو هي بذرة الكتان … وفي شو تستخدم … وهل لها مضار
لاني سمعت انها تنزل من الوزن … صح ولا غلط
والسموحه
انا بعد سمعت انها تنزل الوزن وانا اكلها من شهر تقريبا علشان مفيده حق الكولسترول وما نزلت شي
وهذا كل إلا اعرفه………….
ام حمني و طمطم
مشكورات خواتي ..
اتمنى المزيد عنها
بالنسبه لبذرة الكتان اتكون حبوب اصغيرونه شكلها نفس الحبه السوده بس على اكبر اشويه ولونها يكون بني وبتحصلينها موجوده عند العطارين
إلها فوايد كثير واذا حطيتي في جوجل عن فوايد الكتان جميع فوائد هالبذره . وانزال الوزن هيه وحده من فوائد البذره . بس اذا كنتي تبين نتائج هالبذره اتبين ابتدي عن الاشياء الي فيها زيوت والي اتسبب السمنه لانه لو كنتي تاخذين هالحبه وفي نفس الوقت تاكلين الاكل الي يسبب السمنه فما بتحسين بفرق ولا تاثير الحبه على انقاص الوزن.
طريقة الاستخدام … يفضل انج او ما تشترينها اتنظفينها ومن بعدها تطحنينها وفي كل مره اتحطين ملعقه منها في ماي ساخن وتترين لين ما يبرد وتشربينها وطعمها بيكون شرات القمح .
واترومين تاخذين ملعقه مطحونه من بذرة الكتان وتاكاينها قبل الاكل
والسموحه منج
اختج فروشه
مشكوره اختيه وما قصرتي
بذر الكتان مفيد جدا جدا ..
اكو هل سايت فيه كل شي عن بذر الكتان , وان شاء الله اكون افدت ..:
-https://www.freearabi.com/???%20??????.htm