المقادير حشوة:- دجاج مقطع الى 4 قطع رز باسمتي كوب روب – 4 حبات طماط – ملح – فلفل احمر – كركم – ثوم زنجبيل مطحون ملعقتين كبار – واهم بهارات هي( قرفة4 حبات-هيل3 حبات مسمار3 حبات كمون نصف ملعقة صغيرة وكزبرة جافةنصف ملعقة صغيرة )تطحنين هالبهارات في خلاطة لين تستوي ناعمة ملعقة ونصف صغيرة -زيت 4 ملاعق-بصل 3 حبات كزبرة خضراء نعناع وفلفل اخضر
طريقة:- في جدر تحطين دجاج طماط روب ملح فلفل احمر كركم ثوم زنجبيل بهارات مطحونة وزيت وتحطين على النار لي ن تفور ويجف سائل روب نفس الوقت ناخذ تاوة عميق نقص بصل رفيع وطوال ونحط في تاوة زيت وسمن اي نوع تحبين انتي بس يكون زيت اكثر عن بصل للقلي لين يحر تحطين بصل فيه وتقلين بصل لين تستوي لونه احمر او بني غامق ترفعينه من الزيت تخلين في صحن وتقطعين كزبرة خضراء ونعناع وتفرمينهم ويا بعض لين تشوفين ينشف ماي الي في دجاج تحطين نصف كمية من بصل مقلي وكزبرة ونعناع في دجاج مع اضافة فلفل اخضر عدد حبات انتي اختاري على حسب وتحكينه لين ينشف ماي ماله ويطلع دهن فوق خليج تحركينه واذا شفتي نشف ماي وايد حطي نصف كوب ماي وخلي ثواني يفور وبندي النار
في جدر ثاني اغسلي رز حطي فيه ملح حبة قرفة حبتين مسمار حبتين هيل حبتين فلفل اخضر حطي على النار لين يغلي ويفور رز لا يستوي وااايد بس يفور شوي اشخلي عيش حطي في جدر عيش قليل من زيت الي قليتي فيه بصل عقب فوقه نصف كمية من رز فوقه حشوة دجاج كاملة وفوقه رز نصف الباقي فوقة شوية زيت وبصل مقلي جزء منه حاطين في الحشوة وجزء منه فوق رز وجلجلان ونعناع وتغطين جدر بالفوطة صغيرة او قطعة قطن حتى لا يطلع بخار من جدر وتغطين عليه تحطين على النار اول زيدي على النار عقب دقيقتين خفي على النار وخلي لين يستوي رز داخل يوم بتقدمينه اول شيء اخلطي رز وحشوة في الجدر عقب اغرفي في صحن تقدمين معاه روب وسلط
بالهنا حبايبي
انشاء الله جربونه وتخبروني رايكم حطيتلكم بالتفصيل بس مادري هو وااضح ولا لا
ان شاء الله أسويها
تسلمين اختي
المشاركة الأصلية كتبت بواسطة الخفاشه 