شحالكم عساكم بخير بغيت اعرف شو الالعاب الي ممكن اشلها ويايه فالطياره عشان اشغل ولدي وهو عمره سنتين والثاني عمره سنه واول مره اسافر ويا عيالي ومتخوفه من ردت فعلهم لانهم يهال ويبون يلعبون واخاف من ردت فعلهم
الله يخيكم لا تبخلون عليه
تقدرين تشلين وياج اللعبه إلي يفضلونها ودفاتر تلوين وإلا دي في دي صغير ويا أفلامهم المفضله
وأتوقع لو تدخلين قسم السفر والسياحه بتحصلين وايد أفكار حلوه
وإن شاءالله سفرتج تكون مريحه وياهم
شلي وياج دفي دي والرسوم المتحركه الي يحبونهااا
بوكس في بسكوت حق التسكيت اذا صاحو
لهيات حق بو سنه
شلي احتياطي روب لان عاده مايكلون اكل الطياره
ونصيحه يوعيهم قبل تركبون الطياره بساعه او اكثر عشان يوم اطير تعطينهم رضاعه او لهايه عشان الضغط يوم ترتفع الطياره
ويفضل بعد يكونون مب راقدين قبلها عشان فالطياره يرقدون
وتروحون وتردون بالسلامه
بخصوص عيالج .. اللي عمره سنتين تقدرين تاخذين له دفتر تلوين والوان والالعاب اللي يحبها طبعا مب وايد لعبه ولا 2 … والاحسن انج تخلينهم يرقدون طول الدرب …
اذا بعدكم ماحجزتوا خبري ريلج يحجز طياره اتطير بالليل عشان يرقدون طول الدرب وترتاحين ..
بو سنه خذيله الالعاب اللي يحبها نفس الشي لعبه او 2 … وطبعا رضاعه فيها ماي وعصير وحليب ..
غير عن البسكوت
انا وقت السفر احط في شطنه الطياره كورن فلكس النوع اللي يحبونه عيالي في اجياس السندويجات اللي تتسكر من فوقها … واخد دفاتر والوان … وعصير وحليب لهم …
وافضل طبعا انهم يرقدون …
انا عني مستحيل اشلهم وياي الين يكملون الثلاث سنين ونص
والله يسهل عليج السفر
ويهديهم
و خلي حليبهم و مراضعهم جاهزه شلي اكثر من مرضعه وياج في الشنطه انتي ما بتيلسين تغسلين كل مره اذا شربو خلي عندج 3 ولا 4 جاهزات عشان اذا بشربون و حطي فيهن الحليب من قبل عشان اذا بتسوين المرضعه تكون جاهزه بس تضيفين الماي لها و طبعا دلة الماي بعد و اذا كانت المسافه بعيده طبعا الماي بيبرد خلي المضيفات يسوولج ماي حار ثاني غيره
و في الطياره حجزي الكراسي الي اول شي يكونن سواء كنتي في سياحيه ولا بزنس لنه بيكون عندج مساحه اكثر و اذا كانت عندج خدامه شليها بتساعدج واااااااااااايد
و تخبري المضيفات اذا عندهم اكل للاطفال … خليهم اييبولج دايما يكون شي عندهم اكل حق الاطفال