بسالكم عن خلاصه القيد ؟؟؟ الجزء الثاني ؟؟؟ 2024.

هذا رابط اللي البارحه حطيته
https://forum.uaewomen.net/showthread.php?t=664996

الصراحه السالفه تخص اخوي فديته هو يبا يتزوج وحده من بوظبي مطلقه وطبعا اخوي عمره 28 سنه
واعزب المشكله لو تنطبق الدنيا على الارض مستحيييييييييييل اهليه يوافقون وبالاخص ابويه

ابويه انسان عصبي لابعد الحدود الله يهديه حارمنا من كل شي وحتى انه ما يدز ويه حق اخويه مع انه البجر من صوب الاولاد مايسوي له سالفه واخوي من النوع اللي يكتم بقلبه وانا كثر ما اقدر احاول اكون وياه انا اكبر عنه عمريه 35 سنه وابويه حرمني من الزواج كل حد يخطبني يرفضه والحين حتى محد يدق بابنا منو يباني وانا في هالعمر على كل حال

ابوي حتى مستحيل يسولف لنا من نشوفه نشرد نتجنبه كثر ما نقدر حتى امي ما سلمت منه

اسمحولي طولت عليكم المشكله اخوي ما يبي يغضب ابوي وبعدين يتم يدعي عليه هو يبا يظهر خلاصه قيد من دون ماابوي يدري يبي يتزوج بس ما يبي حد يعرف من اهلنا غيري طبعا … انا سالت ربيعاتي واخوي بعد سال قالوا لي مايصير لازم ينشطب من خلاصه القيد مالت ابوي عسب يظهر له خلاصه قيد

الحين شو الحل … والله اخوي ما يستاهل كل هذا للعلم ابويه انسان دارس وملتزم بعد انخاف اذا ابوي عرف ان اخي متزوج يتبرى منه ابويه بلا احساس………. والسمووحه

اسمحولي اذا ما رديت عليكم ظروفي ما تسمح لي ادخل المنتدى يوميا

والله حرام ليش جي ابووج .. الله يهديييه ان شاءلله .. صدق ماتستاهلون وربي يعوضكم ان شاءلله

بس اظن هو يقدر ياخذ خلاصة قيد ابوج من دون ما يدري
وبيحذفونه وبيسوون له خلاصة قيد خاصه بأسرة اخوج ان شا الله

يعني مالاداعي ابوج يكون موجود

للاسف ابوي يعرف يقرى ويكتب واخوي يخاف ان ابوي يتبره منه عادي يسويها الله يهديه ان شاء الله

الله يهديه
ويوفق اخوج ان شاءالله

يا اختي الزمن تغير \ انا اقولج البنت داشه خاطره وهو مب صغير ما شاء الله عاقل وياخذ الامور بحكمه واهم شي انه ملتزم ويخاف الله وانا يوم قلت له ليش بتاخذ مطلقه قال الرسول صلى الله عليه وسلم تزوج ارامل ومطلقات شو ارد عليه هو تقريبا من سنه يبى البنيه وساكت وانا نتبهت عليه ان كل سرحان وشارد لين فتح لي قلبه وتكلم