اليوم حبيت أشارككم بشي جربته و حصلت عليه نتائج رهييييييييبة و الله علي ما أقول شهيد.
كريم baby set أنا من الأساس كنت شاريتنه حق بنتي لطفح الحفاظ بس ما أستعملتها إياه لأني استبدلته بشي طبيعيي و من انولدت لليوم الحمد الله ماعانت من طفح الحفاظ ,وبما أني كنت شارية كمية من البلاد قلت حرام أعقه ليش ما أستعمله حقي فابتديت كل يوم أحط منه بعد الحمام للأماكن اللي ذكرتها في العنوان والسبب الرئيسي اللي خلاني أستعمله ريحته الحلوة .
لكن والله العظيم في خلال أسبوعين لاحظت أشياء خلتني ما أستغني عنه وبذكرلكم أياها بالتفصيل:
1- لاحظت أن الأماكن الغامقة تفتحت ,سبحان الله كيف كانت عقب الولادة و كيف استوت الحين فرق السما و الأرض
.
2-يوم أستعمله تحت الإبط مول ماتطلع ريحة العرق حتي لو كرفت كراف .مع أني من النوع اللي أعرق بسرعة.
3-كان عندي سواد خفيف تحت الإبط ,الحمد الله اختفي.
4-يخلي ريحتك وين ماحطيتيه كأنك بيبي صدق ( أتمني تكونوا فهمتن قصدي؟؟؟؟؟؟
).
5-تفتحت المنطقة بشكل واضح و اختفت الحبوب اللي كانت تظهر عقب الحلاوة.
الكريم أنا اشتريته من بلدي و ينباع في الصيدلية ,مادورته اهني بس أكيد بتحصلونه في الصيدليات
الحمد الله وااايد استفدت منه و أتمني تستفيدون و ماتنسوني بدعواتكم الطيبة و هاي صورته عسب
تسهل عليكم عملية البحث.
اقتراح: خزنوا الصورة في مبايلاتكم وراووها الصيدلي عسب يعرفه لأن التعليب يقدر يكون مختلف من دولة لدولة و الكريم صناعة فرنسية
وربي يشهد علي أن كلامي مو بجمع و تعال اتسمع والله أني أتكلم من خلال تجربتي واللي كانت ناجحة.
ماشاء الله عليكن خواتي موضوعي ماكمل ساعة و استلمت 12 رسالة. عسب تشي بوضح علي العام:
عزيزاتي أنا ما أبيع الكريم كنت شاريتنه حق استعمالي الشخصي.اللي طللبن مني أوفرلهم الكريم ماأوعدكم بشئ لأن الكريمات يوم توصل عن طريق البريد مايسلمونك إياها إلا عقب فحص البلدية و السالفة تطول (قانون في دبي ما أدري عن باقي الإمارات).
لكن أوعدكن إن حصلت طريقة بوفره إنشاء الله
دمتم في حفظ الله
للرفع
ان شاء الله نحصله ولو ما حصلناه وفريه لنا
ما دام مفيد لنا وللصغار ليش لا
مشكووورة ريم
الله يوفقج
ولما يتوفر عندج الزبدة خبريني يا الغالية
تم حفظ الصوووره ^^
الله يوفقج ان شااااءالله
^^
بس قهرتينا وسرتي عنا هههه